ഇടഞ്ഞ കൊമ്പൻ സിദ്ധാർഥനെ തളക്കാനുള്ള ശ്രമം
ഗുരുവായൂര്‍: ആനത്താവളത്തിലെ കൊമ്പന്‍ സിദ്ധാര്‍ഥന്‍ ഇടഞ്ഞോടിയത് പരിഭ്രാന്തി പരത്തി. ബുധനാഴ്ച ഉച്ചക്ക് വെള്ളം കൊടുക്കാനായി കെട്ടുതറിയില്‍നിന്നും അഴിക്കുന്നതിനിടെയാണ് കൊമ്പന്‍ ഇടഞ്ഞോടിയത്. ആനക്കോട്ടയുടെ പ്രധാന കവാടം കടന്ന് ഒരു കിലോമീറ്ററോളം അകലെ തമ്പുരാന്‍പടിയിലേക്കാണ് ആന ഓടിയത്.
തമ്പുരാന്‍പടി സെന്ററിലെത്തിയ ആന തിരിഞ്ഞ് കാവീട് റോഡിലേക്കെത്തിയപ്പോള്‍ പാപ്പാന്മാര്‍ ചേര്‍ന്ന് തളച്ചു. നാശനഷ്ടങ്ങളൊന്നും ഉണ്ടാക്കിയില്ല. ഗുരുവായൂര്‍ പൊലീസ് സ്ഥലത്തെത്തിയിരുന്നു. ആനയെ പിന്നീട് ആനത്താവളത്തിലേക്ക് കൊണ്ടുവന്നു. രണ്ടാഴ്ച മുമ്പാണ് ആനയുടെ മദപ്പാട് കാലം അവസാനിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.