ഗു​രു​വാ​യൂ​ർ മേ​ൽ​പാ​ലം: പൈ​ലി​ങ് വൈ​കു​ന്നു

ഗു​രു​വാ​യൂ​ർ: ഫെ​ബ്രു​വ​രി​യി​ൽ പൂ​ർ​ത്തി​യാ​കു​മെ​ന്ന് നി​ർ​മാ​ണ ക​മ്പ​നി അ​റി​യി​ച്ച റെ​യി​ൽ​വേ മേ​ൽ​പാ​ല​ത്തി​ന്‍റെ പൈ​ലി​ങ് വൈ​കു​ന്നു. ആ​കെ വേ​ണ്ട 46 പൈ​ലു​ക​ളി​ൽ 10എ​ണ്ണ​ത്തോ​ളം പൂ​ർ​ത്തി​യാ​കാ​നു​ണ്ട്. ഡി​സം​ബ​റി​ലാ​ണ് പൈ​ലി​ങ് ആ​രം​ഭി​ച്ച​ത്. ഒ​മ്പ​ത് മാ​സ​ത്തി​നു​ള്ളി​ൽ പാ​ല​ത്തി​ന്‍റെ നി​ർ​മാ​ണം പൂ​ർ​ത്തി​യാ​കു​മെ​ന്നാ​ണ് അ​റി​യി​ച്ചി​രു​ന്ന​ത്. ഈ ​മാ​സം 28ന​കം പൈ​ലി​ങ് അ​വ​സാ​നി​ക്കു​മെ​ന്നും ക​മ്പ​നി അ​റി​യി​ച്ചി​രു​ന്നു.

എ​ന്നാ​ൽ ജ​ല വി​ത​ര​ണ പൈ​പ്പു​ക​ൾ മാ​റ്റി സ്ഥാ​പി​ക്കു​ന്ന​ത് വൈ​കി​യ​താ​ണ് പൈ​ലി​ങ് വൈ​കാ​നി​ട​യാ​ക്കി​യ​തെ​ന്ന് പ​റ​യു​ന്നു. പൈ​പ്പു​ക​ൾ മാ​റ്റാ​തി​രു​ന്ന​തോ​ടെ പൈ​ലി​ങി​നു​ള്ള ആ​ധു​നി​ക ഉ​പ​ക​ര​ണ​ങ്ങ​ൾ മ​റ്റൊ​രി​ട​ത്തേ​ക്ക് മാ​റ്റി. ഇ​വ തി​രി​ച്ചെ​ത്തി​ച്ചി​ട്ടു​ണ്ട്. ജ​ല വി​ത​ര​ണ പൈ​പ്പ് മാ​റ്റു​ന്ന​ത് വൈ​കി​യ​തി​നെ തു​ട​ർ​ന്ന് പ്ര​ദേ​ശ​ത്തെ വ്യാ​പാ​രി​ക​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​രു​ന്നു.

കാ​ല​താ​മ​സം ഒ​ഴി​വാ​ക്കാ​ന്‍ ആ​ധു​നി​ക സം​വി​ധാ​ന​മാ​യ സ്റ്റീ​ല്‍-​കോ​ണ്‍ക്രീ​റ്റ് കോ​മ്പോ​സി​റ്റ് സ്ട്ര​ക്ച​ര്‍ മാ​തൃ​ക ഉ​പ​യോ​ഗി​ച്ചാ​ണ് പാ​ല​ത്തി​ന്‍റെ നി​ര്‍മാ​ണം. പൈ​ല്‍, പൈ​ല്‍ ക്യാ​പ്പ് എ​ന്നി​വ കോ​ണ്‍ക്രീ​റ്റും, പി​യ​ര്‍, പി​യ​ര്‍ ക്യാ​പ്പ്, ഗ​ര്‍ഡ​ര്‍ എ​ന്നി​വ സ്റ്റീ​ലും ഡെ​ക് സ്ലാ​ബ് കോ​ണ്‍ക്രീ​റ്റി​ലു​മാ​യാ​ണ് നി​ര്‍മി​ക്കു​ന്ന​ത്. സ്റ്റീ​ല്‍ തൂ​ണു​ക​ളും ബീ​മു​ക​ളും ചെ​ന്നൈ​യി​ല്‍ ത​യാ​റാ​ക്കി ഇ​വി​ടെ​യെ​ത്തി​ച്ച് ഘ​ടി​പ്പി​ക്കും. കി​ഫ്ബി​യി​ല്‍നി​ന്നും 33 കോ​ടി രൂ​പ​യാ​ണ് മേ​ല്‍പാ​ല​ത്തി​ന് വ​ക​യി​രു​ത്തി​യ​ത്. 517.32 മീ​റ്റ​ര്‍ നീ​ള​മു​ള്ള പാ​ല​ത്തി​ന് 10.15 മീ​റ്റ​റാ​ണ് വീ​തി. റോ​ഡി​ന് 7.5 മീ​റ്റ​ര്‍ വീ​തി​യു​ണ്ടാ​കും. ഇ​രു​വ​ശ​ത്തും 1.5 മീ​റ്റ​റി​ല്‍ ന​ട​പ്പാ​ത​യു​ണ്ട്. നാ​ലു മീ​റ്റ​ര്‍ വീ​തി​യി​ല്‍ സ​ര്‍വി​സ് റോ​ഡും പ​ദ്ധ​തി​യി​ലു​ണ്ട്.