ഗുരുവായൂര്‍: കഴിഞ്ഞ നഗരസഭ തെരഞ്ഞെടുപ്പിൽ സ്ഥാനാർഥിയായിരുന്ന ലോക്കൽ കമ്മിറ്റി അംഗം അടക്കമുള്ളവർ സി.പി.ഐ വിട്ട് സി.പി.എമ്മിൽ ചേരുന്നു.
വാർഡ് 13ലെ സ്ഥാനാർഥിയും സി.പി.ഐ ലോക്കൽ കമ്മിറ്റി അംഗം, എ.ഐ.വൈ.എഫ് മണ്ഡലം കമ്മിറ്റി അംഗം, ബ്രാഞ്ച് സെക്രട്ടറി എന്നീ പദവികളുമുള്ള ടി.എ. രാജഗോപാൽ, ലോക്കൽ കമ്മിറ്റി അംഗവും എ.ഐ.വൈ.എഫ് മേഖല സെക്രട്ടറിയുമായ ടി.എ. ബാലഗോപാൽ, എ.ഐ.വൈ.എഫ് കാരക്കാട് യൂനിറ്റ് സെക്രട്ടറി സി. കൃഷ്ണനുണ്ണി, യൂനിറ്റ് പ്രസിഡൻറ് എം.വി. അനിൽകുമാർ, സി. രോഹിത് എന്നിവരാണ് പദവികൾ രാജിവെച്ച് സി.പി.എമ്മിൽ ചേരുന്നത്.
ഇടതുപക്ഷത്തെ ശക്തിപ്പെടുത്താൻ സി.പി.എമ്മിനേ കഴിയൂ എന്നതിനാലാണ് തങ്ങൾ സി.പി.എമ്മിൽ പ്രവർത്തിക്കാൻ തീരുമാനിച്ചതെന്ന് രാജിവെച്ചവർ പ്രസ്താവനയിൽ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.