താ​ൽ​കാ​ലി​ക ബ​സ് സ്റ്റാ​ൻ​ഡി​ലും വ​ഴി​യി​ലും വെ​ളി​ച്ച​മി​ല്ല; ഗു​രു​വാ​യൂ​ർ ന​ഗ​ര​സ​ഭ യോ​ഗ​ത്തി​ൽ ബ​ഹ​ളം

ഗു​രു​വാ​യൂ​ര്‍: മേ​ൽ​പാ​ല നി​ർ​മാ​ണ​ത്തെ തു​ട​ന്ന് തൃ​ശൂ​ർ ഭാ​ഗ​ത്തേ​ക്കു​ള്ള ബ​സു​ക​ൾ​ക്കൊ​രു​ക്കി​യ താ​ൽ​ക്കാ​ലി​ക സ്റ്റാ​ൻ​ഡി​ലും വ​ഴി​യി​ലും വെ​ളി​ച്ച​മി​ല്ലാ​ത്ത പ്ര​ശ്നം ഉ​ന്ന​യി​ക്കാ​ൻ കൗ​ൺ​സി​ല​ർ​ക്ക് അ​നു​മ​തി നി​ഷേ​ധി​ച്ച​തി​നെ തു​ട​ർ​ന്ന് കൗ​ൺ​സി​ലി​ന്‍റെ ന​ടു​ത്ത​ള​ത്തി​ൽ പ്ര​ക്ഷു​ബ്ധ​രം​ഗ​ങ്ങ​ൾ. കോ​ൺ​ഗ്ര​സി​ലെ വി.​കെ. സു​ജി​ത്താ​ണ് വി​ഷ​യം അ​വ​ത​രി​പ്പി​ക്കാ​ൻ ശ്ര​മി​ച്ച​ത്. എ​ന്നാ​ൽ അ​ജ​ണ്ട​ക്ക് മു​മ്പ് ര​ണ്ടു​പേ​രു​ടെ ശ്ര​ദ്ധ​ക്ഷ​ണി​ക്ക​ൽ ക​ഴി​ഞ്ഞ​തി​നാ​ൽ സ​മ​യം അ​നു​വ​ദി​ക്കാ​നാ​വി​ല്ലെ​ന്നാ​യി​രു​ന്നു അ​ധ്യ​ക്ഷ​ൻ എം. ​കൃ​ഷ്ണ​ദാ​സി​ന്‍റെ നി​ല​പാ​ട്.

ഇ​തി​നി​ടെ സു​ജി​ത്തി​ന്‍റെ മൈ​ക്ക് ഓ​ഫാ​വു​ക​യും ചെ​യ്തു. ഇ​തോ​ടെ യു.​ഡി.​എ​ഫ് അം​ഗ​ങ്ങ​ളാ​യ കെ.​പി. ഉ​ദ​യ​ൻ, കെ.​പി.​എ. റ​ഷീ​ദ്, ബി.​വി. ജോ​യ്, സി.​എ​സ്. സൂ​ര​ജ്, വി.​കെ. സു​ജി​ത്ത്, മെ​ഹ്റൂ​ഫ് എ​ന്നി​വ​ർ ചെ​യ​ർ​മാ​ന്‍റെ വേ​ദി​ക്ക് മു​ന്നി​ലേ​ക്കി​റ​ങ്ങി. ഇ​തോ​ടെ എ​ൽ.​ഡി.​എ​ഫ് അം​ഗ​ങ്ങ​ളാ​യ എ.​എ​സ്. മ​നോ​ജ്, എ.​എം. ഷെ​ഫീ​ർ, ആ​ർ.​വി. ഷെ​രീ​ഫ്, എ. ​സാ​യി​നാ​ഥ​ൻ, ഫൈ​സ​ൽ പൊ​ട്ട​ത്ത​യി​ൽ, വൈ​ഷ്ണ​വ് പി. ​പ്ര​ദീ​പ്, പി.​ടി. ദി​നി​ൽ, എ.​വി. അ​ഭി​ലാ​ഷ്, പി.​കെ. നൗ​ഫ​ൽ എ​ന്നി​വ​രും ചെ​യ​ർ​മാ​ന്‍റെ വേ​ദി​ക്ക് മു​ന്നി​ൽ അ​ണി​നി​ര​ന്നു.

വാ​ക്കേ​റ്റം കൈ​യാ​ങ്ക​ളി​യി​ലേ​ക്ക് നീ​ങ്ങും മു​മ്പേ ചെ​യ​ർ​മാ​ൻ ഇ​ട​പെ​ട്ട് അം​ഗ​ങ്ങ​ളെ ശാ​ന്ത​രാ​ക്കി. എ​ന്നാ​ൽ, സു​ജി​ത്തി​ന്‍റെ ശ്ര​ദ്ധ​ക്ഷ​ണി​ക്ക​ൽ അ​നു​വ​ദി​ക്കി​ല്ലെ​ന്ന നി​ല​പാ​ടി​ൽ ഉ​റ​ച്ചു​നി​ന്നു. പി​ന്നീ​ട് മ​റ്റ് ച​ർ​ച്ച​ക​ൾ​ക്കി​ടെ സു​ജി​ത് വി​ഷ​യം ഉ​ന്ന​യി​ച്ചു. ക​ഴി​ഞ്ഞ കൗ​ൺ​സി​ലി​ൽ പ്ര​ശ്നം പ​രി​ഹ​രി​ക്കാ​മെ​ന്ന് ചെ​യ​ർ​മാ​ൻ ഉ​റ​പ്പ് ന​ൽ​കി​യി​രു​ന്ന​ത് ചൂ​ണ്ടി​ക്കാ​ട്ടു​ക​യും ചെ​യ്തു. പ്ര​ശ്നം അ​ടി​യന്ത​ര സ്വ​ഭാ​വ​മു​ള്ള​താ​ണെ​ന്നും പ​രി​ഹ​രി​ക്കാ​ൻ ന​ട​പ​ടി​യെ​ടു​ത്ത​താ​യും ചെ​യ​ർ​മാ​ൻ അ​റി​യി​ച്ചു. ന​ഗ​ര​സ​ഭ​യു​ടെ അ​മ്പാ​ടി കെ​ട്ടി​ട​ത്തി​ൽ നി​ന്ന് മാ​ലി​ന്യം പു​റ​ത്തേ​ക്കൊ​ഴു​കു​ന്ന​ത് സം​ബ​ന്ധി​ച്ച 'മാ​ധ്യ​മം' വാ​ർ​ത്ത പ്ര​തി​പ​ക്ഷ നേ​താ​വ് കെ.​പി. ഉ​ദ​യ​ൻ ഉ​ന്ന​യി​ച്ചു.

പ്ര​തി​പ​ക്ഷാം​ഗ​ങ്ങ​ൾ മൊ​ബൈ​ൽ ടോ​ർ​ച്ച് തെ​ളി​ച്ച് പ്ര​തി​ഷേ​ധി​ക്കു​ക​യും ചെ​യ്തു. സ്ഥാ​പ​നം അ​ട​ച്ചു​പൂ​ട്ടാ​ൻ നി​ർ​ദേ​ശം ന​ൽ​കി​യ​താ​യി ചെ​യ​ർ​മാ​ൻ അ​റി​യി​ച്ചു. ന​ഗ​ര​സ​ഭ​യി​ലെ സ്ഥാ​പ​ന​ങ്ങ​ൾ പൊ​തു​കാ​ന​യി​ലേ​ക്ക് മാ​ലി​ന്യം ഒ​ഴു​ക്കു​ന്ന​ത് സം​ബ​ന്ധി​ച്ച് പ​രി​ശോ​ധ​ന ന​ട​ത്താ​ൻ എ​ൻ​ജി​നീ​യ​റി​ങ് വി​ഭാ​ഗ​ത്തോ​ടും ആ​രോ​ഗ്യ വി​ഭാ​ഗ​ത്തോ​ടും നി​ർ​ദേ​ശി​ച്ചു. ഗു​രു​വാ​യൂ​ർ ദേ​വ​സ്വം ന​ഗ​ര​സ​ഭ​ക്ക് വ​ലി​യ തു​ക ന​ൽ​കു​ന്ന​ത് സം​ബ​ന്ധി​ച്ച് 2017ൽ ​ഉ​ണ്ടാ​യ കോ​ട​തി വി​ധി ന​ട​പ്പാ​ക്കി കി​ട്ടു​ന്ന​തി​ൽ വീ​ഴ്ച വ​രു​ത്തു​ന്ന​ത് പ്ര​ഫ. പി.​കെ. ശാ​ന്ത​കു​മാ​രി ഉ​ന്ന​യി​ച്ചു.

ര​ണ്ട് മാ​സം മു​മ്പ് വി​ഷ​യം ന​ഗ​ര​സ​ഭ സെ​ക്ര​ട്ട​റി​യു​ടെ ശ്ര​ദ്ധ​യി​ൽ​പ്പെ​ടു​ത്തി​യ​താ​ണെ​ന്നും അ​വ​ർ പ​റ​ഞ്ഞു. അ​ടു​ത്ത കൗ​ൺ​സി​ലി​ൽ അ​ജ​ണ്ട​യാ​യി വി​ഷ​യം ച​ർ​ച്ച ചെ​യ്യാ​മെ​ന്ന് അ​ധ്യ​ക്ഷ​ൻ കൃ​ഷ്ണ​ദാ​സ് അ​റി​യി​ച്ചു. പ്ലാ​സ്റ്റി​ക് കാ​രി ബാ​ഗ് നി​രോ​ധ​നം ന​ട​പ്പാ​ക്കു​ന്നി​ൽ ന​ഗ​ര​സ​ഭ​ക്ക് വീ​ഴ്ച വ​ന്ന​താ​യി ആ​ർ.​വി. ഷെ​രീ​ഫ് പ​റ​ഞ്ഞു. തൈ​ക്കാ​ട് ജ​ങ്ഷ​ൻ, മാ​വി​ൻ ചു​വ​ട്, താ​മ​ര​യൂ​ർ, പേ​ര​കം എ​ന്നി​വി​ട​ങ്ങ​ളി​ലെ വെ​ള്ള​ക്കെ​ട്ട് എ.​എ​സ്. മ​നോ​ജ്, കെ.​പി.​എ. റ​ഷീ​ദ്, ദി​വ്യ, എ.​വി. അ​ഭി​ലാ​ഷ് എ​ന്നി​വ​ർ ശ്ര​ദ്ധ​യി​ൽ​പ്പെ​ടു​ത്തി.

മ​മ്മി​യൂ​ർ മു​ത​ൽ കോ​യ ബ​സാ​ർ വ​രെ​യു​ള്ള ഭാ​ഗം റോ​ഡ് വീ​തി​കൂ​ട്ടു​ന്ന​തി​ന് ന​ട​പ​ടി​ക​ൾ വേ​ണ​മെ​ന്ന് ആ​വ​ശ്യ​മു​യ​ർ​ന്നു. റോ​ഡ് വി​ക​സ​ന​ത്തി​ൽ വാ​ഹ​ന​ങ്ങ​ളു​ടെ സൗ​ക​ര്യം മാ​ത്ര​മ​ല്ല, കാ​ൽ​ന​ട​ക്കാ​രെ​യും പ​രി​ഗ​ണി​ക്ക​ണ​മെ​ന്ന് ശോ​ഭ ഹ​രി​നാ​രാ​യ​ണ​ൻ ആ​വ​ശ്യ​പ്പെ​ട്ടു. ജ്യോ​തി ര​വീ​ന്ദ്ര​നാ​ഥ്, പി.​വി. മ​ധു എ​ന്നി​വ​ർ സം​സാ​രി​ച്ചു. 

ന​ട​പ്പാ​ത നി​ർ​മാ​ണം: 3.67 കോ​ടി മി​ച്ചം 

ഗു​രു​വാ​യൂ​ര്‍: അ​മൃ​ത് പ​ദ്ധ​തി​യി​ൽ ന​ട​പ്പാ​ത​യും കാ​ന​യും നി​ർ​മി​ച്ച​തി​ൽ ന​ഗ​ര​സ​ഭ​ക്ക് 3.67 കോ​ടി മി​ച്ചം. കാ​ന​യും ന​ട​പ്പാ​ത​യും നി​ർ​മി​ച്ച​തി​ൽ 2.28 കോ​ടി​യാ​ണ് മി​ച്ചം ല​ഭി​ച്ച​ത്. ഇ​തി​ൽ 78 ല​ക്ഷ​ത്തോ​ളം രൂ​പ മ​റ്റ് സ്ഥ​ല​ങ്ങ​ളി​ലെ കാ​ന നി​ർ​മാ​ണ​ത്തി​ന് ഉ​പ​യോ​ഗി​ച്ചു. ശേ​ഷി​ക്കു​ന്ന 1.5 കോ​ടി ന​ഗ​ര​സ​ഭ​യു​ടെ വി​വി​ധ മേ​ഖ​ല​ക​ളി​ലെ വെ​ള്ള​ക്കെ​ട്ട് പ​രി​ഹ​രി​ക്കാ​ൻ ഉ​പ​യോ​ഗി​ക്കും.

അ​ർ​ബ​ൻ ട്രാ​ൻ​സ്​​പോ​ർ​ട്ട് സെ​ക്ട​റി​ലെ ന​ട​പ്പാ​ത നി​ർ​മാ​ണ​ത്തി​ൽ 1.39 കോ​ടി​യാ​ണ് മി​ച്ചം പ്ര​തീ​ക്ഷി​ക്കു​ന്ന​ത്. ഈ ​തു​ക ഉ​പ​യോ​ഗി​ച്ച് ഔ​ട്ട​ർ, ഇ​ന്ന​ർ റി​ങ് റോ​ഡു​ക​ളി​ലെ​യും ഇ​വ​യു​ടെ ക​ണ​ക്ഷ​ൻ റോ​ഡു​ക​ളി​ലെ​യും ന​ട​പ്പാ​ത​യി​ൽ കൈ​വ​രി​ക​ളും വി​ള​ക്കും സ്ഥാ​പി​ക്കാ​ൻ കൗ​ൺ​സി​ൽ തീ​രു​മാ​നി​ച്ചു.