ഗുരുവായൂർ: ഊർജതന്ത്ര ക്ലാസിലെത്തിയ അതിഥിയെ പൊലീസ് പിടികൂടി വനം വകുപ്പിന് കൈമാറി. എൽ.എഫ് കോളജിലെ ക്ലാസ് മുറിയിലെത്തിയ മുള്ളൻപന്നിയാണ് കുടുങ്ങിയത്. ചൊവ്വാഴ്ച ഉച്ചയോടെയായിരുന്നു സംഭവം. കോളജിലെ പഴയ കെട്ടിടത്തിെൻറ ഒന്നാം നിലയിലുള്ള ഊർജതന്ത്ര ക്ലാസ് മുറിയിലാണ് മുള്ളൻപന്നിയെത്തിയത്. ശബ്ദം കേട്ട് ചെന്ന് നോക്കിയപ്പോഴാണ് കക്ഷിയെ കണ്ടത്. ക്ലാസിൽ കുട്ടികൾ ഉണ്ടായിരുന്നില്ല. കോളജ് അധികൃതർ വിവരം അറിയിച്ചതിനെ തുടർന്ന് ടെമ്പിൾ പൊലീസെത്തി മുള്ളൻപന്നിയെ കൂട്ടിലാക്കി. എരുമപ്പെട്ടിയിൽ നിന്ന് വനം വകുപ്പ് അധികൃതരെത്തി കാട്ടിൽ വിടാൻ കൊണ്ടുപോയി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.