നാലു വർഷ ബിരുദ കോഴ്സിനെ വരവേൽക്കുന്നതിന്റെ മുന്നോടിയായി കെ.കെ.ടി.എം. ഗവ. കോളജിൽ നടന്ന ശിൽപശാല
കൊടുങ്ങല്ലൂർ: വരാനിരിക്കുന്ന നാലു വർഷ ബിരുദ കോഴ്സിനെ വരവേൽക്കാൻ മുന്നൊരുക്ക ശിൽപശാലയുമായി കെ.കെ.ടി.എം ഗവ. കോളജ്. അടുത്ത വർഷം മുതൽ സംസ്ഥാന ഉന്നത വിദ്യാഭ്യാസ വകുപ്പ് നടപ്പാക്കുന്ന നാലുവർഷ ബിരുദ പ്രോഗ്രാമുകളെ മുന്നിൽ കണ്ടുകൊണ്ടുള്ളതാണ് ശിൽപശാല.
ശാസ്ത്ര പ്രൊജക്ടുകളുടെ സങ്കീർണതകളും ചിലവും കുറക്കാനുള്ള ഉപകരണം പ്രചരിപ്പിക്കാനുള്ള ശ്രമത്തിൽ അക്കാദമി ഓഫ് ഫിസിക്സ് ടീച്ചേഴ്സ് കേരളയും കെ.കെ.ടി.എം. ഗവ. കോളജ് ഭൗതിക ശാസ്ത്രവിഭാഗവും സംയുക്തമായാണ് പരിപാടി സംഘടിപ്പിച്ചത്. വിവിധ കോളജുകളിൽ നിന്നായി അമ്പതോളം അധ്യാപകരും വിദ്യാർഥികളും പങ്കെടുക്കുന്ന പരിശീലന ശിൽപശാല പ്രിൻസിപ്പൽ ഡോ. ടി.കെ. ബിന്ദു ഷർമിള ഉദ്ഘാടനം ചെയ്തു.
ഡോ. ലൗലി ജോർജ്, ഡോ. എൻ.പി. ധന്യ, അരുൺ എന്നിവർ സംസാരിച്ചു. ഇന്റർ യൂനിവേഴ്സിറ്റി ആക്സിലറേഷൻ സെന്റർ (ഐ.യു.സി.എ) ഡൽഹിയിലെ മുൻ ശാസ്ത്രജ്ഞനായ ഡോ. പി.ബി. അജിത് കുമാർ, ഫാറൂഖ് കോളജ് മുൻ ഫിസിക്സ് വിഭാഗം തലവൻ ഡോ. കെ.കെ. അബ്ദുല്ല എന്നിവരാണ് പരിശീലകർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.