കിഴുപ്പിള്ളിക്കര ​ത്രിവേണിയിൽ മുഴുവൻ ഷട്ടറുകളും തുറന്നില്ല; നിരവധി വീടുകൾ വെള്ളത്തിൽ

കി​ഴു​പ്പി​ള്ളി​ക്ക​ര: ക​ന​ത്ത മ​ഴ​യി​ൽ വെ​ള്ളം ഉ​യ​ർ​ന്നി​ട്ടും കി​ഴു​പ്പി​ള്ളി​ക്ക​ര ത്രിവേണിയിലെ ബ​ണ്ടി​ന്റെ മു​ഴു​വ​ൻ ഷ​ട്ട​റു​ക​ളും പൂ​ർ​ണ​മാ​യി തു​റ​ക്കാ​ത്ത​തി​നാ​ൽ ചാ​ഴൂ​ർ, തി​രു​ത്തേ​ക്കാ​ട്, കാ​രു​വാം​കു​ളം മേ​ഖ​ല​യി​ൽ വെ​ള്ള​ക്കെ​ട്ട് രൂ​ക്ഷ​മാ​യി. നി​ര​വ​ധി വീ​ടു​ക​ൾ വെ​ള്ള​ത്തി​ലാ​യി. വി​വി​ധ ഇ​ട​ങ്ങ​ളി​ൽ​നി​ന്ന് വെ​ള്ളം ഒ​ഴു​കി വ​ന്നി​ട്ടും എ​ട്ട് ഷ​ട്ട​റു​ള്ള ബ​ണ്ടി​ന്റെ മൂ​ന്നു ഷ​ട്ട​റു​ക​ൾ മാ​ത്ര​മാ​ണ് തു​റ​ന്നു​വി​ട്ട​ത്.

ച​ണ്ടി​യും കു​ള​വാ​ഴ​യും മാ​ലി​ന്യ​വും നി​റ​ഞ്ഞ​തോ​ടെ വെ​ള്ള​ത്തി​ന്റെ മൂ​ന്ന് ഷ​ട്ട​റു​ക​ൾ വ​ഴി​യു​ള്ള ഒ​ഴു​ക്ക് ത​ട​സ്സ​പ്പെ​ട്ട​താ​ണ് മേ​ഖ​ല​യി​ൽ ക​ടു​ത്ത വെ​ള്ള​ക്കെ​ട്ടി​ന് കാ​ര​ണ​മാ​യ​ത്. പ്ര​ദേ​ശം വെ​ള്ള​ത്തി​ലാ​യ​തോ​ടെ നാ​ട്ടു​കാ​ർ അ​ന്വേ​ഷി​ച്ച​പ്പോ​ഴാ​ണ് മൂ​ന്നെ​ണ്ണം ഒ​ഴി​ച്ച് മ​റ്റ് ഷ​ട്ട​റു​ക​ൾ തു​റ​ക്കാ​ത്ത നി​ല​യി​ൽ ക​ണ്ടെ​ത്തി​യ​ത്. ച​ണ്ടി​യും കു​ള​വാ​ഴ​യും അ​ടി​ഞ്ഞു​കൂ​ടി​യ​തോ​ടെ വെ​ള്ള​ത്തി​ന്റെ നീ​രൊ​ഴു​ക്ക് ത​ട​സ്സ​പ്പെ​ട്ട​താ​യും ക​ണ്ടെ​ത്തി. ഇ​തോ​ടെ പ്ര​ദേ​ശ​വാ​സി​ക​ൾ ക​ൺ​ട്രോ​ൾ റൂ​മി​ലും മേ​ജ​ർ ഇ​റി​ഗേ​ഷ​ൻ എ​ക്സി​ക്യൂ​ട്ടി​വ് എ​ൻ​ജി​നീ​യ​റെ​യും വി​വ​രം അ​റി​യി​ക്കു​ക​യാ​യി​രു​ന്നു. മ​ഴ ഇ​നി​യും തു​ട​ർ​ന്നാ​ൽ പ്ര​ദേ​ശ​ത്തെ നി​ര​വ​ധി വീ​ടു​ക​ൾ അ​പ​ക​ട​ത്തി​ലാ​കും. അ​തി​നാ​ൽ ബ​ണ്ടി​ന്റെ മു​ഴു​വ​ൻ ഷ​ട്ട​റു​ക​ളും തു​റ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. അ​തേ​സ​മ​യം പ​രി​ശോ​ധി​ച്ച് വേ​ണ്ട ന​ട​പ​ടി കൈ​കൊ​ള്ളു​മെ​ന്ന് മേ​ജ​ർ ഇ​റി​ഗേ​ഷ​ൻ എ​ക്സി​ക്യൂ​ട്ടീ​വ് എ​ൻ​ജി​നീ​യ​ർ അ​റി​യി​ച്ചു.