ജ​ന​വാ​സ മേ​ഖ​ല​യി​ല്‍ ഇ​റ​ങ്ങി​യ കാ​ട്ടാ​ന​ക​ളെ വീ​ണ്ടും കാ​ടു​ക​യ​റ്റി

ആ​മ്പ​ല്ലൂ​ര്‍: പാ​ല​പ്പി​ള്ളി​യി​ൽ ജ​ന​വാ​സ മേ​ഖ​ല​യി​ല്‍ ഇ​റ​ങ്ങി​യ കാ​ട്ടാ​ന​ക്കൂ​ട്ട​ത്തെ വീ​ണ്ടും കാ​ടു​ക​യ​റ്റി. കൊ​ച്ചി​ന്‍ മ​ല​ബാ​ര്‍ തോ​ട്ട​ത്തി​ലി​റ​ങ്ങി​യ ആ​ന​ക​ളെ​യാ​ണ് വ​ന​പാ​ല​ക​രും വാ​ച്ച​ര്‍മാ​രും പ​ട​ക്കം പൊ​ട്ടി​ച്ച്​ എ​സ്റ്റേ​റ്റി​ന്​ പി​ന്നി​ലെ കാ​ട്ടി​ലേ​ക്ക്​ ഓ​ടി​ച്ചു​വി​ട്ട​ത്. ഇ​തി​നി​ടെ മൂ​ന്നു​ത​വ​ണ കാ​ട്ടാ​ന​ക​ള്‍ ഫോ​റ​സ്റ്റ് ജീ​പ്പി​ന് നേ​രെ പാ​ഞ്ഞ​ടു​ത്തു.

ര​ണ്ട് കൂ​ട്ട​ങ്ങ​ളി​ലാ​യി 30ഓ​ളം ആ​ന​ക​ളാ​ണ് ഉ​ണ്ടാ​യി​രു​ന്ന​ത്. വ​നാ​തി​ര്‍ത്തി​യി​ല്‍ ത​മ്പ​ടി​ച്ചി​രി​ക്കു​ന്ന ആ​ന​ക്കൂ​ട്ടം രാ​ത്രി വീ​ണ്ടു​മെ​ത്താ​നു​ള്ള സാ​ധ്യ​ത​യു​ണ്ടെ​ന്ന് വ​ന​പാ​ല​ക​ര്‍ പ​റ​യു​ന്നു. ചൊ​വ്വാ​ഴ്ച​യും ഇ​വ​യെ കാ​ടു​ക​റ്റി​യി​രു​ന്നെ​ങ്കി​ലും രാ​ത്രി വീ​ണ്ടും തോ​ട്ട​ത്തി​ല്‍ എ​ത്തി​യി​രു​ന്നു. പാ​ല​പ്പി​ള്ളി സെ​ന്‍റ​റി​ന് സ​മീ​പ​മു​ള്ള പി​ള്ള​ത്തോ​ട്ടി​ല്‍നി​ന്ന് വെ​ള്ളം കു​ടി​ക്കാ​നാ​ണ് ഇ​വ എ​ത്തു​ന്ന​ത്. ബു​ധ​നാ​ഴ്ച രാ​വി​ലെ ഇ​വി​ടെ 15 ആ​ന​ക​ള്‍ വെ​ള്ളം കു​ടി​ക്കാ​ന്‍ എ​ത്തി​യി​രു​ന്നു. അ​തേ​സ​മ​യം, പ​രി​സ​ര​ത്തെ തോ​ട്ട​ങ്ങ​ളി​ല്‍ ഇ​നി​യും ആ​ന​ക​ള്‍ ഉ​ണ്ടെ​ന്നാ​ണ് തോ​ട്ടം തൊ​ഴി​ലാ​ളി​ക​ള്‍ പ​റ​യു​ന്ന​ത്.

തൊ​ഴി​ലാ​ളി​ക​ള്‍ താ​മ​സി​ക്കു​ന്ന പാ​ഡി​ക​ളു​ടെ തൊ​ട്ട​ടു​ത്താ​ണ് ബു​ധ​നാ​ഴ്ച കാ​ട്ടാ​ന​ക​ള്‍ ഇ​റ​ങ്ങി​യ​ത്. തോ​ട്ടി​ലെ വെ​ള്ള​വും തോ​ട്ട​ങ്ങ​ളി​ലെ പു​ല്ലു​മാ​ണ് കാ​ട്ടാ​ന​ക​ളെ ഇ​വി​ടേ​ക്ക് ആ​ക​ര്‍ഷി​ക്കു​ന്ന​ത്. കാ​ട്ടി​ലെ നീ​ര്‍ച്ചാ​ലു​ക​ള്‍ വ​റ്റി​യ​തു​മൂ​ല​മാ​ണ് ആ​ന​ക​ള്‍ കൂ​ട്ട​മാ​യി ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങാ​ന്‍ കാ​ര​ണ​മെ​ന്ന് പ​റ​യു​ന്നു.