തിരുവനന്തപുരം: ബോർഡ്, കോർപറേഷൻ ചെയർമാൻ സ്ഥാനങ്ങൾ വിഭജിക്കുന്നതിൽ എൽ.ഡി.എഫിൽ നേരിടുന്ന അവഗണനയിൽ ലോക്താന്ത്രിക് ജനതാദളിൽ (എൽ.ജെ.ഡി) കടുത്ത അതൃപ്തി. നിലവിൽ നഷ്ടത്തിൽ പ്രവർത്തിക്കുന്ന രണ്ട് സി-ക്ലാസ് ബോർഡുകളുടെ - ട്രാവൻകൂർ സ്പിന്നിങ് മില്ലും കേരള ആഗ്രോ ഇൻഡസ്ട്രീസ് കോർപറേഷനും- ചെയർമാൻ സ്ഥാനങ്ങളാണ് വാഗ്ദാനം ചെയ്തിരിക്കുന്നതെന്നാണ് ആക്ഷേപം. യു.ഡി.എഫ് ഉപേക്ഷിച്ച് വന്നിട്ടും പിണറായി സർക്കാറിൽ തങ്ങൾക്ക് മന്ത്രിസ്ഥാനം ലഭിക്കാത്തതിന് പുറമെയാണ് സ്ഥിരമായ അവഗണനയെന്നും നേതാക്കൾ പറയുന്നു. ഒരു എം.എൽ.എയുള്ള കക്ഷികൾക്ക് സർക്കാറിൽ പ്രതിനിധ്യം നൽകിയേപ്പാൾ സംസ്ഥാന പ്രസിഡൻറ് എം.വി. ശ്രേയാംസ് കുമാറിൻെറ താൽപര്യമില്ലായ്മയാണ് ഏക എം.എൽ.എ കെ.പി. മോഹനന് മന്ത്രിസ്ഥാനം നഷ്ടപ്പെടാൻ കാരണമെന്നും ആക്ഷേപം ശക്തമാണ്. ജനതാദൾ (എസ്)ന് അഞ്ചുവർഷം മന്ത്രി സ്ഥാനത്തിന് പുറമെ വൈദ്യുതി ബോർഡ് ഫുൾ ടൈം മെംബർ, രണ്ട് ചെയർമാൻ സ്ഥാനങ്ങൾ എന്നിവ ലഭിച്ചതും എൽ.ജെ.ഡിയെ ചൊടിപ്പിക്കുന്നു. യു.ഡി.എഫിൽ അഞ്ചോളം മികച്ച ബോർഡ് കോർപറേഷൻ ചെയർമാൻ സ്ഥാനങ്ങൾ പാർട്ടിക്ക് ലഭിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.