മംഗലപുരം: മംഗലപുരം സ്റ്റേഷനിലെ എസ്.ഐ തുളസിക്കെതിരെ പരാതിയുമായി കൂടുതൽ പേർ രംഗത്ത്. പരാതിയുമായി സ്റ്റേഷനിൽ എത്തുന്നവരിൽനിന്ന് വെള്ള പേപ്പറിൽ ഒപ്പിട്ട് വാങ്ങുന്നത് പതിവാണ്. ഒപ്പിട്ട് വാങ്ങിയ വെള്ള പേപ്പറിൽ പരാതിക്കാരുടെ മൊഴി എഴുതി ചേർക്കുന്നതാണ് പതിവ് രീതി. ഇതിനെതിരെ യുവതി പൊലീസ് കംപ്ലയ്ൻറ് അതോറിറ്റിയിൽ പരാതി നൽകി. അപകീർത്തി സംബന്ധിച്ച പരാതിയുമായാണ് യുവതി എസ്.ഐ തുളസിയെ സമീപിച്ചത്. തുടർന്നായിരുന്നു വെള്ള പേപ്പറിൽ ഒപ്പിട്ട് നൽകാൻ നിർദേശിച്ചത്. ഒപ്പിട്ട് നൽകിയ പേപ്പറിൽ യുവതിയുടെ മൊഴിയായി നിസ്സാര വകുപ്പിട്ട് കേസ് രജിസ്റ്റർ ചെയ്തു. ഇതിനെ ചോദ്യം ചെയ്തായിരുന്നു യുവതി പൊലീസ് കംപ്ലയ്ൻറ് അതോറിറ്റിയെ സമീപിച്ചത്. യുവതിയുടെ പരാതിയിൽ കഴമ്പുണ്ടെന്ന് കണ്ടെത്തിയതിനാൽ കേസ് വനിതാ സെല്ലിന് കൈമാറി. കഴിഞ്ഞ ദിവസത്തിലുണ്ടായ അക്രമസംഭവത്തിലെ പ്രതിയെ സ്റ്റേഷൻ ജാമ്യത്തിൽ വിട്ടയച്ച സംഭവം വിവാദമായതോടെ റൂറൽ എസ്പി പി.കെ. മധു സ്റ്റേഷനിലെത്തി വിശദീകരണം ചോദിച്ചു. മർദനത്തിനിരയായ യുവാവിൽനിന്ന് പരാതി സ്വീകരിക്കാത്തതിലും അറസ്റ്റ് ചെയ്ത പ്രതിയെ വാറൻറ് നിലനിൽക്കെ ജാമ്യത്തിൽ വിട്ടയച്ചതിലും എസ്.ഐയുടെ ഭാഗത്തുനിന്ന് വീഴ്ചയുണ്ടായതായി കണ്ടെത്തി. എന്നാൽ, ഇത്രയധികം പരാതികളുണ്ടായിട്ടും എസ്.ഐക്കെതിരെ നടപടി സ്വീകരിക്കാത്തത് ഉന്നത രാഷ്ട്രീയ ബന്ധം ഉള്ളതിനാലാണെന്ന് ആക്ഷേപമുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.