*ശബരിമല വ്രതത്തിനായി താടി വളർത്തിയ അഗ്നിരക്ഷ സേനാംഗത്തിൻെറ അലവൻസ് റദ്ദാക്കി തൃശൂർ: ശബരിമല തീർഥാടനത്തിനായി വ്രതം നോൽക്കുന്നതിൻെറ ഭാഗമായി താടി വളർത്തിയതിന് സേനാംഗത്തിൻെറ സ്പെഷൽ അലവൻസ് റദ്ദാക്കി അഗ്നിരക്ഷ സേന. ഷൊർണൂർ അഗ്നിരക്ഷ നിലയത്തിലെ ജീവനക്കാരൻ ആർ. ദിലീപ് കഴിഞ്ഞ മാസം 16ന് താടി വളർത്തുന്നതിന് അപേക്ഷ നൽകിയിരുന്നു. ഈ അപേക്ഷയിൽ അനുമതി നൽകിയതിനൊപ്പമാണ് താടി വളർത്തുന്ന കാലയളവിൽ ദിലീപി‍ൻെറ സ്മാർട്ട് അലവൻസ് ഉൾപ്പെടെ സ്പെഷൽ അലവൻസ് റദ്ദ് ചെയ്യുമെന്ന് നിർദേശിച്ച് ജില്ല ഫയർ ഓഫിസർ ഉത്തരവ് നൽകിയത്. ഈ മാസം ഒന്ന് മുതൽ 31 വരെ ഒരുമാസത്തെ അലവൻസാണ് പാലക്കാട് ജില്ല ഫയർ ഓഫിസർ റദ്ദ് ചെയ്തത്. ദിവസ വേതനത്തിലെ 600 രൂപ റദ്ദാക്കിയതിനാൽ 170 രൂപ മാത്രമാണ് ബാക്കി ലഭിക്കുക. പൊലീസ്, ഫയർഫോഴ്സ്, എക്സൈസ്, ഫോറസ്റ്റ്, റവന്യൂ വകുപ്പുകളിലെ ജീവനക്കാർ അനുമതി വാങ്ങി താടി വളർത്തി വ്രതം അനുഷ്ഠിക്കാറുണ്ടെങ്കിലും ഇതി‍ൻെറ പേരിൽ ശമ്പളത്തിൽനിന്ന് അലവൻസുകൾ വെട്ടിക്കുറക്കാറില്ല. ശമ്പളം വെട്ടിക്കുറച്ചതിനെതിരെ സേനക്കുള്ളിൽ കടുത്ത പ്രതിഷേധമുയർന്നിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.