രാത്രിയിലെ റോഡ്​ കുഴി അടയ്​ക്കല്‍ നാട്ടുകാര്‍ തടഞ്ഞു

താല്ക്കാലികമായി അടക്കുന്നത്​ പ്രഹസനമെന്ന്​ നാട്ടുകാർ പാറശ്ശാല: ദേശീയപാതയിലെ കുഴികള്‍ അടയ്​ക്കല്‍ കഴിഞ്ഞ ദിവസം രാത്രിയില്‍ നാട്ടുകാര്‍ തടഞ്ഞു. ദേശീയപാതയിലെ അപകട കുഴികള്‍ താല്ക്കാലികമായി അടയ്​ക്കുന്നതുമായി ബന്ധപ്പെട്ട് പ്രഹസനമാണ് നടക്കുന്നതെന്ന് ആരോപിച്ച് ചെങ്കല്‍ പഞ്ചായത്ത് വൈസ്​ പ്രസിഡൻറ്​ കെ. അജിത് കുമാറി​ൻെറ നേതൃത്വത്തില്‍ വ്യാപാരികളും നാട്ടുകാരുമാണ്​ പണി തടഞ്ഞത്​. കാരോട് ബൈപാസ് നിര്‍മാണ ആവശ്യത്തിനായി പാറയുമായി വരുന്ന ലോറികള്‍ അമരവിള ചെക്​പോസ്​റ്റില്‍ കൂടി കടന്നുപോകേണ്ടിടത്ത് ഉദിയന്‍കുളങ്ങര പൊഴിയൂര്‍ റോഡിലൂടെ കടന്നുപോകുന്നതു കാരണമാണ് ജങ്​ഷനും ഇടറോഡുകളും തകര്‍ന്നടിയാന്‍ കാരണമാകുന്നതെന്നാണ്​ ആക്ഷേപം. ചിത്രം. വ്യാപാരികളും നാട്ടുകാരും ദേശീയപാതയിലെ കുഴി അടയ്​ക്കല്‍ തടയുന്നു