അറബി സാംസ്കാരിക മുന്നേറ്റത്തിൻെറ ഭാഷ -മന്ത്രി ശിവൻകുട്ടി തിരുവനന്തപുരം: ലോകത്ത് സാംസ്കാരിക മുന്നേറ്റത്തിന് നേതൃത്വംകൊടുക്കുന്ന ഭാഷയാണ് അറബിക്കെന്ന് മന്ത്രി വി. ശിവൻകുട്ടി. കേരള അറബിക് മുൻഷീസ് അസോസിയേഷൻ (കെ.എ.എം.എ) സംസ്ഥാന കമ്മിറ്റി സംഘടിപ്പിച്ച അന്താരാഷ്ട്ര അറബിക് ഭാഷാ ദിനാഘോഷ പരിപാടികൾ ഉദ്ഘാടനം ചെയ്യുകയായിരുന്നു അദ്ദേഹം. മികച്ച സാഹിത്യസൃഷ്ടികളും കണ്ടെത്തലുകളും ലോകത്തിന് സംഭാവന ചെയ്തത് അറബി ഭാഷയിലൂടെയാണെന്നും അദ്ദേഹം അഭിപ്രായപ്പെട്ടു. പൊതുവിദ്യാഭ്യാസ ഡയറക്ടർ കെ. ജീവൻബാബു, ദാറുൽഹുദ ഇസ്ലാമിക് യൂനിവേഴ്സിറ്റി വൈസ് ചാൻസലർ ഡോ. ബഹാവുദ്ദീൻ മുഹമ്മദ് നദ്‌വി എന്നിവർ മുഖ്യപ്രഭാഷണം നടത്തി. കെ.എ.എം.എ സംസ്ഥാന പ്രസിഡൻറ് എ.എ. ജാഫർ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എം. തമീമുദ്ദീൻ, സംസ്ഥാന അറബിക് സ്പെഷൽ ഓഫിസർ ടി.പി. ഹാരിസ്, മുൻ സ്പെഷൽ ഓഫിസർമാരായ എം. ഇമാമുദ്ദീൻ, ഒ. റഹിം, ഐ.എം.ഇ. അഷ്‌റഫ്‌, പി.പി. ഫിറോസ്, ഇ.ഐ. സിറാജ് മദനി എന്നിവർ സംസാരിച്ചു. ദേശീയ-സംസ്ഥാന പാഠ്യപദ്ധതി പരിഷ്കരണത്തിൽ പ്രീ-പ്രൈമറി തലം മുതൽ ഹയർ സെക്കൻഡറി തലംവരെ അറബി ഭാഷാപഠനം ഉറപ്പുവരുത്തുകയും സച്ചാർ പാേലാളി കമ്മിറ്റി ശിപാർശകൾ പൂർണമായി നടപ്പാക്കുകയും അന്താരാഷ്ട്ര അറബിക് സർവകലാശാല അടിയന്തരമായി സ്ഥാപിക്കുകയും വേണമെന്ന് കെ.എ.എം.എ സംസ്ഥാന വെബിനാർ സർക്കാറിനോട് ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.