തിരുവനന്തപുരം: വധശ്രമമുൾപ്പെടെ പത്തോളം ക്രിമിനൽ കേസുകളിലെ പ്രതിയെ ചേലക്കര പൊലീസ് ഇന്‍റർപോളിന്‍റെ സഹായത്തോടെ പിടികൂടി. തൃശൂർ പാലക്കാട് ചേലക്കര അന്തിക്കാട്ട് വീട്ടിൽ ഗോപാലകൃഷ്ണനാണ് അറസ്റ്റിലായത്. കുറ്റകൃത്യങ്ങൾ നടത്തിയശേഷം വിദേശത്തേക്ക് കടന്ന ഇയാൾക്കായി ഇന്‍റർപോൾ റെഡ് നോട്ടീസ് പുറപ്പെടുവിച്ചിരുന്നു. ഇതിന്‍റെ അടിസ്ഥാനത്തിൽ ഇയാൾ യു.എ.ഇ പൊലീസിന്‍റെ പിടിയിലായ വിവരം സി.ബി.ഐ മുഖാന്തരം സ്റ്റേറ്റ് ഇന്‍റർപോൾ ലെയിസൺ ഓഫിസർ കൂടിയായ ൈക്രംബ്രാഞ്ച് ഐ.ജി കെ.പി. ഫിലിപ്പിനെ അറിയിച്ചതോടെയാണ് അറസ്റ്റിന് വഴി തെളിഞ്ഞത്. യു.എ.ഇയിൽനിന്ന് ഡൽഹിയിലെത്തിച്ച ഇയാളെ ചേലക്കര സബ് ഇൻസ്പെക്ടർ ആനന്ദ് കെ.പിയുടെ നേതൃത്വത്തിലുള്ള സംഘം ഡൽഹിയിലെത്തി കസ്റ്റഡിയിലെടുക്കുകയായിരുന്നു. കുറ്റകൃത്യം നടത്തി വിദേശത്തേക്ക് കടക്കുന്നവർക്കെതിരെ റെഡ്നോട്ടീസ് പുറപ്പെടുവിക്കുന്നത് സംസ്ഥാന പൊലീസ് മേധാവിയുടെ നിർദേശാനുസരണം ആരംഭിച്ച ഇന്‍റർനാഷനൽ ഇൻവെസ്റ്റിഗേഷൻ കോഓഡിനേഷൻ ടീമാണ്. ൈക്രംബ്രാഞ്ച് എ.ഡി.ജി.പി എസ്. ശ്രീജിത്തിനാണ് ടീമിന്‍റെ മേൽനോട്ടം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.