നെടുമങ്ങാട്: രാത്രിയിൽ ബൈക്കിൽ സഞ്ചരിച്ച് വീടുകൾ കുത്തിത്തുറന്ന് റബർ ഷീറ്റ്, മൊബൈൽ ഫോൺ എന്നിവ മോഷ്ടിക്കുന്ന സംഘം പിടിയിൽ. വെള്ളനാട് പുനലാൽ ചരുവിളാകത്ത് വീട്ടിൽ നാസറുദ്ദീൻ (44), വെള്ളനാട് ചാങ്ങ കണ്ടാംമ്മൂല തടത്തരികത്ത് വീട്ടിൽ അനിൽകുമാർ (44) എന്നിവരാണ് അറസ്റ്റിലായത്. പ്രതികൾ ഞായറാഴ്ച പുലർച്ച 1.30ന് ചെറിയകൊണ്ണി കോണത്ത് അഭയവിലാസത്തിൽ ജലജകുമാരിയുടെ വീട്ടിൽനിന്ന് മൊബൈൽ ഫോൺ കവർന്നു. സമീപത്തെ ചെറിയകൊണ്ണി ശ്യമന്തകം വീട്ടിൽ കൃഷ്ണൻകുട്ടിയുടെ വീട് കുത്തിത്തുറന്ന് സാധനങ്ങൾ മോഷ്ടിക്കാൻ ശ്രമിക്കവെ ശബ്ദം കേട്ട് വീട്ടുകാർ ഉണർന്നതോടെ മോഷ്ടാക്കൾ ഓടി രക്ഷപ്പെട്ടു. അന്വേഷണത്തിൽ പൂവച്ചൽ ഭാഗത്തുനിന്നാണ് പ്രതികളെ അറസ്റ്റ് ചെയ്തത്. അരുവിക്കര പൊലീസ് സ്റ്റേഷൻ ഇൻസ്പെക്ടർ ഷിബുകുമാർ, സബ് ഇൻസ്പെക്ടർമാരായ കിരൺ ശ്യാം, റാബി, അൻസാരി, ബിനീഷ് ഖാൻ, സാബിർ, സി.പി.ഒമാരായ അനിൽകുമാർ, ആദർശ്‌, അരവിന്ദ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജറാക്കി റിമാൻഡ് ചെയ്തു. ഫോട്ടോ: മോഷണക്കേസ് പ്രതികൾ
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.