പാറശ്ശാല: കൂട്ടുകാരോടൊത്ത് നെയ്യാറില്‍ കുളിക്കാനിറങ്ങിയ വിദ്യാര്‍ഥി മുങ്ങിമരിച്ചു. മാറനല്ലൂര്‍ ക്രൈസ്റ്റ് നഗര്‍ കോളജിലെ അവസാനവര്‍ഷ ബി.കോം വിദ്യാര്‍ഥിയും കരമന തമലം മറിയം അപ്പാര്‍ട്ട്‌മെന്റില്‍ ഗോപീകൃഷ്ണന്‍റെയും പരേതയായ മിനിയുടെയും മകനുമായ വിഷ്ണു ഗോപീകൃഷ്ണനാണ് (21) മരിച്ചത്. തിങ്കളാഴ്ച ഉച്ചക്ക് മൂന്നേടെയായിരുന്നു സംഭവം. നെയ്യാറിലെ അരുവിപ്പുറം ക്ഷേത്രത്തിന് സമീപത്തെ കടവില്‍ ഒരുകൂട്ടം വിദ്യാര്‍ഥികള്‍ ബഹളമുണ്ടാക്കുന്നെന്ന വിവരത്തെ തുടർന്നാണ് മാരായമുട്ടം പൊലീസ് സ്ഥലത്തെത്തിയത്. നെയ്യാറ്റിന്‍കര പോളിടെക്‌നിക്കലിലെയും സ്‌കൂളുകളിലെയും ഒരു കൂട്ടം വിദ്യാര്‍ഥികള്‍ ഉണ്ടായിരുന്നതായി പറയുന്നു. കൂടെയുണ്ടായിരുന്ന ഒരാളെ കാണാനില്ലെന്ന് ക്രൈസ്റ്റ് നഗര്‍ കോളജില്‍നിന്ന് എത്തിയ കുട്ടികൾ പൊലീസിനെ അറിയിച്ചു. പൊലീസ് അഗ്‌നിശമനസേനയെ വിവരമറിയിച്ചു. മൂന്നരയോടെ വിഷ്ണുവിന്റെ മൃതദേഹം കണ്ടെത്തുകയായിരുന്നു. മാരായമുട്ടം പൊലീസ് കേസെടുത്തു. മൃതദേഹം നെയ്യാറ്റിന്‍കര ജനറല്‍ ആശുപത്രി മോര്‍ച്ചറിയിലേക്ക് മറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.