കിളിമാനൂർ: 30 ലക്ഷം രൂപ വിലവരുന്ന മാരക ലഹരിമരുന്നായ എ.ഡി.എം.എയും കഞ്ചാവുമായി യുവാവ് പിടിയിൽ. നാവായിക്കുളം ക്ഷേത്രത്തിനുസമീപം അമരാവതി വീട്ടിൽ വാടകക്ക് താമസിക്കുന്ന അഖിൽ കൃഷ്ണനെയാണ് (24) പള്ളിക്കൽ പൊലീസ് അറസ്റ്റ് ചെയ്തത്. തിങ്കളാഴ്ച കടമ്പാട്ടുകോണം ഇലങ്കം ക്ഷേത്രത്തിനുസമീപം കുളമട റോഡിൽ ഇയാൾ എം.ഡി.എം.എ വിൽപനക്കായി കൊണ്ടുവരുന്നതായി വിവരം ലഭിച്ചതിന്റെ അടിസ്ഥാനത്തിലായിരുന്നു അറസ്റ്റ്. പ്രതിയുടെ കൈവശംനിന്ന് 20 ഗ്രാം എം.ഡി.എം.എ, 100 ഗ്രാം കഞ്ചാവ്, ഡിജിറ്റൽ ത്രാസ്, ആയിരത്തിലധികം കവറുകൾ, 8000 രൂപ എന്നിവ പിടിച്ചെടുത്തു. ജനുവരിയിലും പള്ളിക്കൽ പൊലീസ് എം.ഡി.എം.എ വിൽപന നടത്തിയ അഞ്ചുപേരെ അറസ്റ്റ് ചെയ്തിരുന്നു. ഇവർക്ക് ഇതു വിതരണം ചെയ്തിരുന്നത് ഇപ്പോൾ അറസ്റ്റിലായ അഖിൽ കൃഷ്ണനാണ്. രണ്ടുകൊല്ലമായി ഇയാൾ മാരക ലഹരിമരുന്ന് വിൽപന നടത്തിവരുകയായിരുന്നു. ഇതുവരെയും ഇയാളെ പിടികൂടാൻ കഴിഞ്ഞിരുന്നില്ല. പള്ളിക്കൽ സി.ഐ പി. ശ്രീജിത്ത്, എസ്.ഐമാരായ എം. സഹിൽ, റാഫി, എ.എസ്.ഐ സജിത്ത്, സി.പി.ഒമാരായ ഷമീർ, അജീസ്, സന്തോഷ് എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.