കാട്ടാക്കട: കെ.ടി.ഡി.സിയുടെ കോട്ടമുകള്‍ ബിയര്‍ പാര്‍ലറില്‍ ആക്രമം നടത്തിയ കേസില്‍ യുവാവ് മാറനല്ലൂര്‍ പൊലീസിന്റെ പിടിയിലായി. പെരുമ്പഴുതൂര്‍ കോട്ടൂര്‍ അയണിയറത്തില കിഴക്കുകര പുത്തന്‍വീട്ടില്‍ ശോഭലാല്‍ (22) ആണ് പിടിയിലായത്. ബുധനാഴ്ച രാത്രി ഏഴോടെയാണ് കേസിനാസ്പദമായ സംഭവം. ശോഭലാലും സുഹുത്തുമൊന്നിച്ചാണ് ബിയര്‍ പാര്‍ലറിലെത്തിയത്.
ഇരുവരും ബിയര്‍ കഴിച്ചശേഷം ബില്ല് നല്‍കാനെത്തിയ ജീവനക്കാരനോട് തട്ടിക്കയറുകയായിരുന്നു. തുടര്‍ന്ന് ബിൽത്തുക ആവശ്യപ്പെട്ട ജീവനക്കാരനെ മര്‍ദിച്ചശേഷം ബിയര്‍കുപ്പികൊണ്ട് മേശയും കൗണ്ടറിലുണ്ടായിരുന്ന കമ്പ്യൂട്ടറും ഫ്രിഡ്ജും തല്ലിത്തകര്‍ക്കുകയായിരുന്നു. ഇതിനിടയില്‍ കടയിലുണ്ടായിരുന്ന മറ്റുള്ളവരെയും ആക്രമിച്ചു.
ഒരു ലക്ഷത്തോളം രൂപയുടെ നഷ്ടം വരുത്തിയതായാണ് ജീവനക്കാര്‍ പൊലീസില്‍ പരാതി നല്‍കിയിരിക്കുന്നത്. ജീവനക്കാര്‍ അറിയിച്ചതനുസരിച്ച് മാറനല്ലൂര്‍ പൊലീസ് സ്ഥലത്തെത്തിയപ്പോഴേക്കും ഒരാള്‍ രക്ഷപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.