വിവാഹവീട്ടിൽ​നിന്ന്​ മോഷ്​ടിച്ച 25 പവൻ തിരികെവെച്ച്​ മോഷ്ടാവ്

​കാ​ട്ടാ​ക്ക​ട: വി​വാ​ഹ​വീ​ട്ടി​ൽ​നി​ന്ന്​ മോ​ഷ​ണം പോ​യ സ്വ​ർ​ണാ​ഭ​ര​ണ​ങ്ങ​ള്‍ വ്യാ​ഴാ​ഴ്ച വീ​ടി​ന്‍റെ പു​റ​ത്ത് കൊ​ണ്ടു​െ​വ​ച്ച​ശേ​ഷം ത​സ്ക​ര​ന്‍ മു​ങ്ങി. മാ​റ​ന​ല്ലൂ​രി​ലെ വി​വാ​ഹ​വീ​ട്ടി​ല്‍ നി​ന്ന് ഉ​ത്രാ​ട ദി​ന​ത്തി​ല്‍ മോ​ഷ​ണം പോ​യ 25 പ​വ​ന്‍ സ്വ​ര്‍ണാ​ഭ​ര​ണ​ങ്ങ​ള്‍ വ്യാ​ഴാ​ഴ്ച വീ​ടി​ന് സ​മീ​പ​ത്തെ വ​ഴി​യി​ല്‍ ഉ​പേ​ക്ഷി​ച്ച നി​ല​യി​ല്‍ ക​ണ്ടെ​ത്തു​ക​യാ​യി​രു​ന്നു. ഉ​ത്രാ​ട​ദി​ന​ത്തി​ലാ​ണ് മാ​റ​ന​ല്ലൂ​ർ പു​ന്നാ​വൂ​ർ ക​ർ​മ​ല​മാ​ത സ്കൂ​ളി​ന് സ​മീ​പം കൈ​ത​യി​ൽ സ്വ​ദേ​ശി ഹ​ന്ന​യു​ടെ സ്വ​ര്‍ണാ​ഭ​ര​ണ​ങ്ങ​ൾ മോ​ഷ​ണം പോ​യ​ത്. വി​വാ​ഹ​ശേ​ഷം വീ​ട്ടി​ലെ ഹാ​ളി​ല്‍ വി​രു​ന്നു​സ​ല്‍ക്കാ​രം ന​ട​ക്കു​ന്ന​തി​നി​ട​യി​ലാ​ണ് വീ​ട്ടി​ല്‍ സൂ​ക്ഷി​ച്ചി​രു​ന്ന സ്വ​ര്‍ണം രാ​ത്രി​യോ​ടെ മോ​ഷ​ണം പോ​യ​ത്.

അ​തേ​സ​മ​യം മോ​ഷ​ണം പോ​യ സ്വ​ര്‍ണാ​ഭ​ര​ണ​ങ്ങ​ള്‍ വ്യാ​ഴാ​ഴ്ച രാ​വി​ലെ ആ​റോ​ടെ ഇ​തേ വീ​ടി​ന്‍റെ പു​റ​ത്ത് റോ​ഡ​രി​കി​ലാ​യി പ്ലാ​സ്റ്റി​ക് ക​വ​റി​ൽ ​െവ​ച്ച​ശേ​ഷം ക​ള്ള​ൻ മു​ങ്ങു​ക​യാ​യി​രു​ന്നു.

സ്വ​ർ​ണ​മ​ട​ങ്ങി​യ ക​വ​ർ രാ​വി​ലെ പു​റ​ത്തി​റ​ങ്ങി​യ വ​ര​ന്‍റെ പി​താ​വാ​ണ് ക​ണ്ടെ​ത്തി​യ​ത്. മാ​റ​ന​ല്ലൂ​ർ പൊ​ലീ​സും വി​ര​ല​ട​യാ​ള വി​ദ​ഗ്ധ​രും ഫോ​റ​ൻ​സി​ക് സം​ഘ​വും ഡോ​ഗ് സ്ക്വാ​ഡും സ്ഥ​ല​ത്ത് പ​രി​ശോ​ധ​ന ന​ട​ത്തി. മോ​ഡ​ഷ്ടാ​വി​നെ ഇ​തു​വ​രെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. മോ​ഷ​ണം ന​ട​ന്ന​തി​ന്‍റെ അ​ടു​ത്ത ദി​വ​സം മാ​റ​ന​ല്ലൂ​ർ പൊ​ലീ​സി​ൽ പ​രാ​തി ന​ൽ​കി​യി​രു​ന്നു. അ​ന്വേ​ഷ​ണം പു​രോ​ഗ​മി​ക്കു​ന്ന​തി​നി​ടെ​യാ​ണ് ആ​ഭ​ര​ണ​ങ്ങ​ൾ തി​രി​ച്ചു​കി​ട്ടി​യ​ത്.

സം​ഭ​വം പൊ​ലീ​സ് വി​ശ​ദ​മാ​യി അ​ന്വേ​ഷി​ച്ചു​വ​രു​ക​യാ​ണ്. വി​ര​ള​ട​യാ​ള വി​ദ​ഗ്ധ​രും ഡോ​ഗ് സ്ക്വാ​ഡും സ്ഥ​ല​ത്തെ​ത്തി തെ​ളി​വു​ക​ള്‍ ശേ​ഖ​രി​ച്ചു.