സുദർശനൻ
കിളിമാനൂർ: സുമനസ്സുകളുടെ കനിവും കാത്ത് ഹൃദ്രോഗിയായ ഗൃഹനാഥൻ. അടയമൺ മുതുകുറിഞ്ഞി സുനിതാമന്ദിരത്തിൽ സുദർശനനാണ് (53) സഹായം തേടുന്നത്. എട്ടുവർഷം മുമ്പാണ് സുദർശനന് ഗുരുതര ഹൃദ്രോഗബാധയുണ്ടായത്. തിരുവനന്തപുരം മെഡിക്കൽ കോളജ് ആശുപത്രിയിൽ നടത്തിയ പരിശോധനയിൽ മൂന്നിടത്ത് ബ്ലോക്ക് കണ്ടെത്തി ആൻജിയോപ്ലാസ്റ്റി നടത്തി. രണ്ടു പെൺകുട്ടികളടങ്ങുന്ന നിർധന കുടുംബത്തിന് സുദർശനന്‍റെ കൂലിവേലയായിരുന്നു ആശ്രയം.
ശസ്ത്രക്രിയക്കുശേഷം കാര്യമായി ജോലി ചെയ്യാൻ കഴിയാത്തതിനാൽ പെട്രോൾ പമ്പിൽ തൊഴിലാളിയായി. ഇതിനിടെ വീണ്ടും ഹൃദയത്തകരാർ കണ്ടെത്തി. അടിയന്തര ബൈപാസ് ശസ്ത്രക്രിയ ഡോക്ടർമാർ നിർദേശിച്ചു. എന്നാൽ, ജോലിക്ക് പോകാൻകൂടി കഴിയാത്തതിനാൽ ജീവിതച്ചെലവുതന്നെ വഴിമുട്ടിയ അവസ്ഥയിലാണ് സുദർശനൻ.
ശസ്ത്രക്രിയക്ക് ലക്ഷങ്ങൾ കരുതണമെന്നാണ് മെഡിക്കൽ കോളജ് അധികൃതർ പറഞ്ഞ്. അതിനായി സുമനസ്സുകളോട് സഹായം തേടുകയാണ് സുദർശനൻ. ബാങ്ക് അക്കൗണ്ട് നമ്പർ: 57009211863 (എസ്.ബി.ഐ, തട്ടത്തുമല ബ്രാഞ്ച്). ഐ.എഫ്.എസ്.സി: SBIN 0008787. ഫോൺ: 8113027063.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.