നുജൂം
കിളിമാനൂർ (തിരുവനന്തപുരം): ബുദ്ധിമാന്ദ്യമുള്ള യുവതിയെ പീഡിപ്പിച്ച പ്രതി അറസ്റ്റിൽ. തട്ടത്തുമല ശാസ്താംപൊയ്ക സജീന മൻസിലിൽ നുജൂമാണ് (49) കിളിമാനൂർ പൊലീസിെൻറ പിടിയിലായത്.
സംഭവത്തെ കുറിച്ച് പൊലീസ് പറയുന്നത്: രക്ഷാകർത്താക്കൾ വീട്ടിലില്ലാത്ത ദിവസം പ്രതി യുവതിയുടെ വീടിനുസമീപത്തെത്തി മൊബൈൽ ഫോൺ കാണിച്ച് സമീപത്തെ റബർ തോട്ടത്തിൽ കൊണ്ടുപോയി പീഡിപ്പിക്കുകയായിരുന്നു. ശനിയാഴ്ച ഉച്ചക്ക് വീടിന് സമീപത്തെത്തിയ പ്രതിയെ യുവതി രക്ഷാകർത്താക്കൾക്ക് കാണിച്ചുകൊടുക്കുകയായിരുന്നു.
തുടർന്ന്, പെൺകുട്ടിയുടെ മാതാവ് കിളിമാനൂർ പൊലീസിൽ പരാതി നൽകി. റൂറൽ എസ്.പി പി.കെ. മധുവിെൻറ നിർദേശ പ്രകാരം ആറ്റിങ്ങൽ ഡിവൈ.എസ്.പി സി.എസ്. ഹരി, എസ്.ഐ ടി.ജെ. ജയേഷ്, മോഹനൻ, അജേഷ്, ഷാജി, ഗ്രേഡ് എ.എസ്.ഐ ഷജിം, എസ്.സി.പി.ഒ ഷംനാദ്, സി.പി.ഒമാരായ സഞ്ജീവ്, സുജിത്ത്, അജേഷ്, ശ്രീരാജ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. പ്രതിയെ ആറ്റിങ്ങൽ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.