കിളിമാനൂർ: വയോധികനെ വീട്ടിൽ കയറി ആക്രമിച്ച കേസിൽ പ്രതിയെ അറസ്റ്റ് ചെയ്തു. ആലപ്പുഴ ജില്ലയിൽ തിരുവമ്പാടി ഇരവുകാട് തൈപ്പറമ്പ് വീട്ടിൽ സഫറുദീനാണ് (40) അറസ്റ്റിലായത്. ഇക്കഴിഞ്ഞ മാർച്ച് 23ന് വെളുപ്പിന് ഒന്നോടെ പള്ളിക്കൽ സ്വദേശിയായ സുനിലെന്ന സുധീറിനാണ് പരിക്കേറ്റത്.
പരാതിക്കാരന്റെ സഹോദരിയുടെ വീട്ടിലായിരിക്കെ പ്രതി വിറക് കൊണ്ടടിച്ച് സുധീറിനെ പരിക്കേൽപ്പിക്കുകയായിരുന്നു. ആലപ്പുഴ ജില്ലയിൽ നിരവധി മോഷണക്കേസിലെ പ്രതിയായ സഫറുദീൻ കഴിഞ്ഞ മാസമാണ് ജയിലിൽനിന്ന് ഇറങ്ങിയത്. ആറ്റിങ്ങൽ കോടതിയിൽ ഹാജരാക്കിയ പ്രതിയ റിമാൻഡ് ചെയ്തു. പള്ളിക്കൽ സി.ഐ ശ്രീജേഷ്, എസ്.ഐ സഹിൽ, ജി.എസ്.ഐ സുനിൽ, സി.പി.ഒ സന്തോഷ് എന്നിവരടങ്ങിയ അന്വേഷണസംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.