ബ​ഷീ​റിന്‍റെ 'ൻ​റു​പ്പൂ​പ്പാ​ക്കൊ​രാ​നേ​ണ്ടാ​ർ​ന്ന്' എ​ന്ന ക​ഥക്ക്​ ഓൺലൈൻ ദൃശ്യാവിഷ്​കാരവുമായി കുരുന്നുകൾ

കി​ളി​മാ​നൂ​ർ: ബേ​പ്പൂ​ർ സു​ൽ​ത്താ​നെ​യും അ​ദ്ദേ​ഹം ജ​ന്മം​കൊ​ടു​ത്ത ക​ഥാ​പാ​ത്ര​ങ്ങ​ളെ​യും കാ​ലാ​നു​സൃ​ത​മാ​യി പു​നഃ​സൃ​ഷ്​​ടി​ച്ച്​ കി​ളി​മാ​നൂ​ർ ഗ​വ. എ​ൽ.​പി.​എ​സ് ഇ​ക്കു​റി​യും സ്മ​ര​ണാ​ഞ്​​ജ​ലി​യൊ​രു​ക്കി. കോ​വി​ഡ് പ​ശ്ചാ​ത്ത​ല​ത്തി​ൽ കു​ട്ടി​ക​ൾ​ക്ക് സ്കൂ​ളി​ലെ​ത്താ​ൻ ക​ഴി​യാ​ത്ത​തി​നാ​ൽ അ​ധ്യാ​പ​ക​ർ അ​വ​രു​ടെ വീ​ട്ടി​ലെ​ത്തി​യാ​ണ് പ്ര​വ​ർ​ത്ത​ന​ങ്ങ​ൾ ഒ​രു​ക്കി​യ​ത്.

ബ​ഷീ​റി​െൻറ 'ൻ​റു​പ്പൂ​പ്പാ​ക്കൊ​രാ​നേ​ണ്ടാ​ർ​ന്ന്' എ​ന്ന ക​ഥ​യി​ലെ ക​ഥാ​പാ​ത്ര​ങ്ങ​ൾ പു​തി​യ കാ​ല​ത്തോ​ട് സം​വ​ദി​ക്കു​ന്ന​താ​ണ് 'വെ​ളി​ച്ച​ത്തി​ന് എ​ന്തൊ​രു വെ​ളി​ച്ചം' എ​ന്ന ല​ഘു ദൃ​ശ്യാ​വി​ഷ്കാ​ര​ത്തി​ലെ പ്ര​മേ​യം. മ​ന്ത്ര​വാ​ദ​ത്തി​െൻറ ഇ​രു​ട്ടി​ൽ അ​ക​പ്പെ​ട്ട നി​ഷ്ക​ള​ങ്ക​യാ​യ കു​ഞ്ഞു​പാ​ത്തു​മ്മ​യെ ര​ഹ​സ്യ​മാ​യി അ​ക്ഷ​രം പ​ഠി​പ്പി​ക്കു​ന്ന ആ​യി​ഷ.

ഇ​രു​ട്ടു​മു​റി​യി​ൽ​നി​ന്ന്​ മോ​ചി​ത​യാ​യി പു​റ​ത്തു​വ​രു​ന്ന കു​ഞ്ഞു​പാ​ത്തു​മ്മ കാ​ണു​ന്ന​ത്​ മാ​സ്ക് ധ​രി​ച്ചെ​ത്തി​യ ബ​ഷീ​റി​നെ​യും ക​ഥാ​പാ​ത്ര​ങ്ങ​ളെ​യും. വി​ദ്യാ​ഭ്യാ​സ​ത്തി​ലൂ​ടെ യാ​ഥാ​സ്ഥി​തി​ക ചി​ന്താ​ഗ​തി​ക​ളെ മോ​ചി​പ്പി​ച്ച്​ സ്വാ​ത​ന്ത്ര്യ​ത്തി​ലേ​ക്ക് കൂ​ട്ടി​ക്കൊ​ണ്ടു​പോ​കു​ന്ന കു​ഞ്ഞി​പാ​ത്തു​മ്മ പു​തി​യ​ത​ല​മു​റ​യി​ലെ പെ​ൺ​കു​ട്ടി​ക​ളോ​ടാ​യി പ​റ​യു​ന്നു -'വെ​ളി​ച്ച​ത്തി​ന് എ​ന്തൊ​രു വെ​ളി​ച്ചം'.

വി​ദ്യാ​രം​ഗം ക​ലാ​സാ​ഹി​ത്യ​വേ​ദി​യു​ടെ നേ​തൃ​ത്വ​ത്തി​ൽ ത​യാ​റാ​ക്കി​യ ല​ഘു​ദൃ​ശ്യാ​വി​ഷ്‌​കാ​രം സ്കൂ​ളി​െൻറ യൂ​ട്യൂ​ബ് ചാ​ന​ൽ വ​ഴി​യാ​ണ് പൊ​തു​സ​മൂ​ഹ​ത്തി​ലെ​ത്തി​ക്കാ​ൻ ശ്ര​മി​ക്കു​ന്ന​ത്. സ്കൂ​ളി​ലെ മു​ഴു​വ​ൻ കു​ട്ടി​ക​ളും അ​വ​ര​വ​രു​ടെ വീ​ടു​ക​ളി​ൽ ബ​ഷീ​ർ ക​ഥാ​പാ​ത്ര​ങ്ങ​ളാ​യി മാ​റി അ​നു​സ്മ​ര​ണ​ത്തി​ൽ പ​ങ്കാ​ളി​ക​ളാ​യി.

വൈ​ക്കം മു​ഹ​മ്മ​ദ് ബ​ഷീ​ർ അ​നു​സ്മ​ര​ണ ഉ​ദ്‌​ഘാ​ട​ന​വും ദൃ​ശ്യാ​വി​ഷ്‌​കാ​ര പ്ര​കാ​ശ​ന​വും സാ​ഹി​ത്യ​കാ​ര​ൻ കെ.​വി. മോ​ഹ​ൻ​കു​മാ​ർ ഓ​ൺ​ലൈ​നാ​യി നി​ർ​വ​ഹി​ച്ചു. വി​ദ്യാ​രം​ഗം ക​ലാ​സാ​ഹി​ത്യ​വേ​ദി സം​സ്ഥാ​ന കോ​ഓ​ഡി​നേ​റ്റ​ർ ടി.​കെ. അ​ബ്‌​ദു​ല്ല ഷാ​ഫി, വി​ദ്യാ​രം​ഗം മു​ൻ എ​ഡി​റ്റ​ർ കെ.​സി. അ​ലി ഇ​ഖ്‌​ബാ​ൽ തു​ട​ങ്ങി​യ​വ​ർ പ​ങ്കെ​ടു​ത്തു.