കക്കൂസ് മാലിന്യം ഓടയിൽ ഒഴുക്കാൻ ശ്രമിക്കുന്നതിനിടയിൽ പൊലീസ് പിടികൂടിയ
ടാങ്കർ ലോറികൾ
നെടുമങ്ങാട്: കക്കൂസ് മാലിന്യം ഓടയിൽ ഒഴുക്കാൻ ശ്രമിക്കുന്നതിനിടയിൽ ടാങ്കർ ലോറികളും മൂന്നുപേരും പൊലീസ് പിടിയിൽ. അരുവിക്കര കാച്ചാണിക്ക് സമീപം ഓടയിൽ കരകുളത്ത് നിന്ന് ശേഖരിച്ച കക്കൂസ് മാലിന്യം ഒഴിക്കിവിടാൻ ശ്രമിക്കവെയാണ് ഇവർ പിടിയിലായത്. KL 39D 267, KL 31 D 1836 എന്നീ ടാങ്കർ ലോറികളിലായി കൊണ്ടുവന്ന മാലിന്യം ഒഴിക്കിവിടവെ അരുവിക്കര പൊലീസ് എസ്.ഐമാരായ ഷൈജ, ജയരാജ് എന്നിവർ ചേർന്നാണ് ഇവരെ പിടികൂടിയത്.
തിരുവനന്തപുരം മണക്കാട് വില്ലേജ് കരമന നെടുങ്കോട് ടി.സി 21/946ൽ പ്രവീൺ (32), വെള്ളായണി വില്ലേജിൽ കല്ലിയൂർ കൃഷ്ണകൃപയിൽ കാർത്തിക് (33) മണക്കാട് വില്ലേജിൽ അനീഷ് (34) എന്നിവരാണ് പിടിയിലായത്. ഇവർ ഒരുമാസം മുമ്പ് ചെറിയകൊണ്ണിക്ക് സമീപം ഇറയാംകോട് തോട്ടിൽ ടാങ്കർ ലോറിയിൽ മാലിന്യം തള്ളാൻ ശ്രമിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.