വഴയില–പഴകുറ്റി നാലുവരിപ്പാത നിര്‍മാണാരംഭം ആഗസ്റ്റിൽ -മന്ത്രി ജി.ആര്‍. അനില്‍

നെ​ടു​മ​ങ്ങാ​ട്: വ​ഴ​യി​ല മു​ത​ൽ പ​ഴ​കു​റ്റി​വ​രെ നാ​ലു​വ​രി​പാ​ത നി​ര്‍മാ​ണം ആ​ഗ​സ്റ്റി​ൽ തു​ട​ങ്ങു​മെ​ന്ന്​ മ​ന്ത്രി ജി.​ആ​ര്‍. അ​നി​ല്‍ അ​റി​യി​ച്ചു. വ​ഴ​യി​ല മു​ത​ല്‍ പ​ഴ​കു​റ്റി വ​രെ 9.5 കി​ലോ​മീ​റ്റ​റും നെ​ടു​മ​ങ്ങാ​ട് ടൗ​ണി​ല്‍ പ​ഴ​കു​റ്റി പെ​ട്രോ​ള്‍ പ​മ്പ് ജ​ങ്​​ഷ​നി​ല്‍ നി​ന്നാ​രം​ഭി​ച്ച് ക​ച്ചേ​രി​ന​ട വ​ഴി 11ാം ക​ല്ലു​വ​രെ​യു​ള്ള 1.240 കി​ലോ മീ​റ്റ​ർ ഉ​ള്‍പ്പെ​ടെ 11.240 കി.​മീ. റോ​ഡു​മാ​ണ് നാ​ലു​വ​രി​പ്പാ​ത​യാ​ക്കു​ന്ന​ത്. പ​ദ്ധ​തി​ക്കാ​യി 928.8 കോ​ടി രൂ​പ കി​ഫ്ബി അ​നു​വ​ദി​ച്ചി​ട്ടു​ണ്ട്.

15 മീ​റ്റ​ർ ടാ​റി​ങ്ങും മ​ധ്യ​ത്തി​ൽ ര​ണ്ട്​ മീ​റ്റ​ർ മീ​ഡി​യ​നും ഇ​രു​വ​ശ​ങ്ങ​ളി​ലു​മാ​യി ര​ണ്ട് മീ​റ്റ​ർ വീ​തി​യി​ല്‍ യൂ​ട്ടി​ലി​റ്റി സ്പേ​സും ഉ​ള്‍പ്പെ​ടെ 21 മീ​റ്റ​റി​ലാ​ണ് റോ​ഡ് നി​ര്‍മി​ക്കു​ന്ന​ത്. മൂ​ന്ന് റീ​ച്ചു​ക​ളി​ലാ​യാ​ണ് നി​ര്‍മാ​ണം. ആ​ദ്യ റീ​ച്ചാ​യ വ​ഴ​യി​ല മു​ത​ല്‍ കെ​ല്‍ട്രോ​ണ്‍ ജ​ങ്​​ഷ​ന്‍ വ​രെ​യു​ള്ള നാ​ല്​ കി​ലോ​മീ​റ്റ​ര്‍ സി​വി​ല്‍ വ​ര്‍ക്കും പാ​ല​വും 79.4 കോ​ടി രൂ​പ​ക്കും ക​ര​കു​ളം ഫ്ലൈ​ഓ​വ​ര്‍ 50 കോ​ടി രൂ​പ​ക്കും ടെ​ൻ​ഡ​ര്‍ ചെ​യ്തി​രു​ന്നു.

ഇ​വ അം​ഗീ​കാ​ര​ത്തി​നാ​യി സ​ര്‍ക്കാ​റി​ലെ​ത്തി​യി​ട്ടു​ണ്ട്. ഉ​ട​ന്‍ അം​ഗീ​കാ​രം ല​ഭ്യ​മാ​കും. ആ​ദ്യ റീ​ച്ചി​ല്‍ ഏ​ഴ്​ ഏ​ക്ക​ര്‍ 81 സെ​ന്റ് ഭൂ​മി​യാ​ണ് ഏ​റ്റെ​ടു​ക്കു​ന്ന​ത്. 201 ഭൂ​വു​ട​മ​ക​ള്‍ക്കു​ള്ള പു​ന​ര​ധി​വാ​സ​ത്തി​നും പു​നഃ​സ്ഥാ​പ​ന​ത്തി​നു​മാ​യി 117,77,40,869 രൂ​പ വി​ത​ര​ണം ചെ​യ്തു. ഇ​നി 64 കു​ടും​ബ​ങ്ങ​ൾ​ക്കാ​ണ് തു​ക വി​ത​ര​ണം ചെ​യ്യാ​നു​ള്ള​ത്.

ഇ​തി​ല്‍ 36 പേ​ർ വ​സ്തു​വി​ന്റെ രേ​ഖ​ക​ള്‍ ഹാ​ജ​രാ​ക്കാ​ത്ത​താ​യു​ണ്ട്. ഇ​വ​ർ കി​ഫ്ബി എ​ൽ.​എ യൂ​നി​റ്റ് ഒ​ന്ന്​ ത​ഹ​സി​ൽ​ദാ​ർ ഓ​ഫി​സി​ൽ എ​ത്ര​യും വേ​ഗം വ​സ്തു​രേ​ഖ​ക​ൾ ഹാ​ജ​രാ​ക്ക​ണം. ആ​ദ്യ റീ​ച്ചി​ലെ ബാ​ല​ന്‍സ് ന​ഷ്ട​പ​രി​ഹാ​ര​തു​ക​യാ​യ 72.79 കോ​ടി രൂ​പ കൂ​ടി കി​ഫ്ബി കൈ​മാ​റി​യി​ട്ടു​ണ്ട്.

തു​ക ല​ഭി​ക്കാ​നു​ള്ള മു​ഴു​വ​ന്‍ പേ​ര്‍ക്കും ജൂ​ലൈ​യി​ല്‍ത്ത​ന്നെ തു​ക ല​ഭ്യ​മാ​കും. കെ​ല്‍ട്രോ​ണ്‍ ജ​ങ്​​ഷ​ന്‍ മു​ത​ൽ വാ​ളി​ക്കോ​ട് ജ​ങ്​​ഷ​ന്‍ വ​രെ​യു​ള്ള ര​ണ്ടാം റീ​ച്ചി​ൽ 11 ഏ​ക്ക​ർ 34 സെൻറ് ഭൂ​മി​യാ​ണ്​ ഏ​റ്റെ​ടു​ക്കു​ന്ന​ത്. പു​ന​ര​ധി​വാ​സ പാ​ക്കേ​ജ് ലാ​ൻ​ഡ്​ റ​വ​ന്യൂ ക​മീ​ഷ​ണ​ർ അം​ഗീ​ക​രി​ച്ചി​ട്ടു​ണ്ട്.

ലാ​ൻ​ഡ്​ അ​ക്വി​സി​ഷ​ന്‍ ഇ​ന​ത്തി​ല്‍ 173.89 കോ​ടി കി​ഫ്ബി അ​നു​വ​ദി​ച്ചി​ട്ടു​ണ്ട്. ഭൂ​മി വി​ട്ടു​ന​ല്‍കു​ന്ന​വ​ര്‍ക്ക് മ​തി​യാ​യ ന​ഷ്ട​പ​രി​ഹാ​രം ഉ​റ​പ്പാ​ക്കാ​ന്‍ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ര്‍ക്ക് നി​ർ​ദേ​ശം ന​ല്‍കി. വാ​ളി​ക്കോ​ട് മു​ത​ൽ പ​ഴ​കു​റ്റി പ​മ്പ് ജ​ങ്​​ഷ​ൻ ക​ച്ചേ​രി ന​ട 11ാം ക​ല്ല് വ​രെ​യു​ള്ള മൂ​ന്നാം റീ​ച്ചി​ൽ ആ​റ്​ ഏ​ക്ക​ർ 80 സെൻറ് ഭൂ​മി​യാ​ണ് ഏ​റ്റെ​ടു​ക്കു​ന്ന​ത്. 322.58 കോ​ടി രൂ​പ ഭൂ​മി ഏ​റ്റെ​ടു​ക്കു​ന്ന​തി​നാ​യി കി​ഫ്ബി അ​നു​വ​ദി​ച്ചി​ട്ടു​ണ്ട്.