മൊജഹിത്
മംസൈഡി
നേമം: തിരുമല കൂട്ടാംവിളയിൽ ലക്ഷക്കണക്കിന് രൂപ വിലവരുന്ന ലഹരിപദാർഥങ്ങൾ പൂജപ്പുര പൊലീസ് പിടികൂടി. സംഭവവുമായി ബന്ധപ്പെട്ട് ഇതര സംസ്ഥാനക്കാരനെ അറസ്റ്റ് ചെയ്തു. ബിഹാർ സ്വദേശിയായ മൊജഹിത് മംസൈഡി (39) എന്നയാളാണ് വീട് വാടകയ്ക്ക് എടുത്തിരുന്നത്.
ഇയാളെ പൊലീസ് അറസ്റ്റ് ചെയ്തു. കഴിഞ്ഞദിവസം രാത്രിയാണ് തിരുമല സ്വദേശിയുടെ വീട്ടിൽ പൊലീസ് റെയ്ഡ് നടത്തിയത്. എന്നാൽ, വിൽപന നടത്താനായി ലഹരിപദാർഥങ്ങൾ വീടിനുള്ളിൽ സൂക്ഷിച്ചിരിക്കുന്ന വിവരം ഉടമ അറിഞ്ഞിരുന്നില്ല.
തിരുമല കൂട്ടാംവിളയിൽ പൊലീസ് പിടികൂടിയ ലഹരിപദാർഥങ്ങൾ നിറച്ച ചാക്കുകൾ
15 ചാക്ക് വരുന്ന നിരോധിത ലഹരിവസ്തുക്കളായ ശംഭു, പാൻപരാഗ് തുടങ്ങിയ പദാർഥങ്ങളാണ് കണ്ടെടുത്തത്. ഇതിന് വിപണിയിൽ ഏകദേശം അഞ്ചു ലക്ഷം രൂപ വിലവരുമെന്ന് പൊലീസ് പറഞ്ഞു. രഹസ്യവിവരത്തിന്റെ അടിസ്ഥാനത്തിലാണ് കഴിഞ്ഞദിവസം രാത്രി പൊലീസ് റെയ്ഡ് നടത്തി ലഹരിപദാർഥങ്ങൾ പിടിച്ചെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.