വെള്ളാപ്പള്ളിയില്‍ ഇരുനില വീടിന്റെ വാതില്‍ പൊളിച്ച് മോഷണം

നേ​മം: ന​രു​വാ​മൂ​ട് സ്റ്റേ​ഷ​ന്‍പ​രി​ധി​യി​ല്‍ വെ​ള്ളാ​പ്പ​ള്ളി​യി​ല്‍ ഇ​രു​നി​ല​വീ​ടി​ന്റെ വാ​തി​ല്‍ പൊ​ളി​ച്ച് മോ​ഷ​ണം. വെ​ള്ളാ​പ്പ​ള്ളി ചി​റ്റി​ക്കോ​ട് ദേ​വീ​ക്ഷേ​ത്ര​ത്തി​നു​സ​മീ​പം സൗ​ന്ദ​ര്‍രാ​ജ​ന്റെ മ​ക​ന്‍ വി​ഘ്‌​നേ​ഷി​ന്റെ സൗ​ഭാ​ഗ്യ​വീ​ട്ടി​ലാ​യി​രു​ന്നു മോ​ഷ​ണം. ഒ​ക്​​ടോ​ബ​ർ ആ​റി​നു​ശേ​ഷ​മാ​ണ് മോ​ഷ​ണ​മെ​ന്നാ​ണ് വീ​ട്ടു​കാ​ര്‍ ന​ല്‍കി​യി​രി​ക്കു​ന്ന പ​രാ​തി.

വി​ശാ​ഖ് ഗ്രൂ​പ് ഓ​ഫ് ക​മ്പ​നി​യു​ടെ മാ​നേ​ജ​രാ​ണ് വി​ഘ്‌​നേ​ഷ്. ബി​സി​ന​സ് ആ​വ​ശ്യ​വു​മാ​യി ബ​ന്ധ​പ്പെ​ട്ട് ഇ​ദ്ദേ​ഹം ന​ഗ​ര​ത്തി​ലെ ഫ്ലാ​റ്റി​ലാ​ണ് താ​മ​സി​ച്ചു​വ​രു​ന്ന​ത്. ആ​റി​ന്​ വൈ​കീ​ട്ട്​ ത​മി​ഴ്‌​നാ​ട് തി​രു​ച്ചി​റ​പ്പ​ള്ളി​യി​ലെ വി​ഘ്‌​നേ​ഷി​ന്റെ സ​ഹോ​ദ​രി​യു​ടെ വീ​ട്ടി​ലേ​ക്ക്​ ഭാ​ര്യ​യും മ​ക്ക​ളും യാ​ത്ര​പോ​യി​രു​ന്നു. വെ​ള്ളി​യാ​ഴ്ച ഉ​ച്ച​യോ​ടെ തി​രി​ച്ചെ​ത്തി​യ​പ്പോ​ഴാ​ണ് മോ​ഷ​ണ​വി​വ​രം ശ്ര​ദ്ധ​യി​ൽ​പെ​ട്ട​ത്. മു​ക​ളി​ല​ത്തെ നി​ല​യി​ലെ വാ​തി​ല്‍ കു​ത്തി​പ്പൊ​ളി​ച്ച നി​ല​യി​ലാ​യി​രു​ന്നു. തു​ട​ര്‍ന്നു​ന​ട​ത്തി​യ പ​രി​ശോ​ധ​ന​യി​ല്‍ വീ​ട്ടി​ല്‍ സൂ​ക്ഷി​ച്ചി​രു​ന്ന 35,000 രൂ​പ​യും എ​ട്ട്​ പ​വ​ന്‍ സ്വ​ര്‍ണാ​ഭ​ര​ണ​ങ്ങ​ളും ന​ഷ്ട​പ്പെ​ട്ട​താ​യി ക​ണ്ടെ​ത്തി. ഇ​തി​ല്‍ മൂ​ന്ന്​ പ​വ​ന്‍ തൂ​ക്കം വ​രു​ന്ന ഒ​രു ബ്രേ​സ്‌​ലെ​റ്റ്, ര​ണ്ട്​ പ​വ​ന്‍ തൂ​ക്കം വ​രു​ന്ന ഒ​രു​ജോ​ടി ക​മ്മ​ല്‍, മൂ​ന്ന്​ പ​വ​ന്റെ ഒ​രു സ്വ​ര്‍ണ​മാ​ല എ​ന്നി​വ ഉ​ള്‍പ്പെ​ടു​ന്നു. ന​രു​വാ​മൂ​ട് സി.​ഐ സ​ജു​കു​മാ​റി​ന്റെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. വി​ര​ല​ട​യാ​ള വി​ദ​ഗ്ധ​ര്‍ വീ​ട്ടി​ലെ​ത്തി തെ​ളി​വെ​ടു​ത്തു. പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.