നേമം: സി.പി.എം നേതാവിനെ ബൈക്കിലെത്തിയ സംഘം ആക്രമിച്ച സംഭവവുമായി ബന്ധപ്പെട്ട് അന്വേഷണസംഘം കോട്ടയത്തെത്തി. നെയ്യാര്‍ഡാം ലോക്കല്‍ കമ്മിറ്റി സെക്രട്ടറി കള്ളിക്കാട് പറമ്പില്‍ വീട്ടില്‍ സുനിലിനെ ആക്രമിച്ച സംഘത്തിലെ കണ്ണികളെ കണ്ടെത്തുന്നതിനാണ് വിളപ്പില്‍ശാല സി.ഐയുടെ നേതൃത്വത്തിലുള്ള സംഘം കോട്ടയത്ത് എത്തിയത്.
ഒന്നാംപ്രതിയെന്ന് സംശയിക്കുന്ന ആളുമായി ബന്ധപ്പെട്ട ഒരു ഷോപ്പ് 20 വര്‍ഷമായി ഇവിടെ പ്രവര്‍ത്തിച്ചുവരുന്നുണ്ടെന്നാണ് സൂചന.
കഴിഞ്ഞ 19നാണ് സുനിലിനെ കുന്നുംപുറം ഭാഗത്തുകൂടി ബൈക്കില്‍ സഞ്ചരിക്കുന്നതിനിടെ ഒരുസംഘം ആക്രമിച്ചത്. സംഭവത്തിനുശേഷം രക്ഷപ്പെട്ട മൂന്ന് പ്രതികളെ കണ്ടെത്തുന്നതിനാണ് ഊര്‍ജിത അന്വേഷണം നടന്നുവരുന്നത്.
അതേസമയം ആക്രമണത്തില്‍ ഗൂഢാലോചന നടത്തിയതുമായി ബന്ധപ്പെട്ട് കള്ളിക്കാട് പെരിഞ്ഞാംകടവ് ദേവികൃപയില്‍ ഉണ്ണിക്കണ്ണന്‍ എന്നുവിളിക്കുന്ന ആദിത്യനെ (21) നാലാംപ്രതിയാക്കി പൊലീസ് ദിവസങ്ങള്‍ക്കുമുമ്പ് അറസ്റ്റുചെയ്തിരുന്നു. ഇയാള്‍ റിമാന്‍ഡിലാണ്. ആദിത്യനില്‍നിന്നു ലഭിച്ച വിവരങ്ങളുടെ അടിസ്ഥാനത്തിലാണ് അന്വേഷണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.