ആദിത്യന്‍
നേമം: സി.പി.എം നെയ്യാര്‍ഡാം ലോക്കല്‍ കമ്മിറ്റി സെക്രട്ടറി കള്ളിക്കാട് പറമ്പില്‍ വീട്ടില്‍ സുനിലിനെ ബൈക്കിലെത്തി ആക്രമിച്ച സംഭവത്തില്‍ നാലാം പ്രതി പിടിയില്‍. കള്ളിക്കാട് പെരിഞ്ഞാംകടവ് ദേവികൃപയില്‍ ഉണ്ണിക്കണ്ണനെന്ന ആദിത്യന്‍ (21) ആണ് പിടിയിലായത്. കഴിഞ്ഞ ബുധനാഴ്ച വൈകീട്ടാണ് സംഭവം.
പേയാടുള്ള സഹോദരിയുടെ വീട്ടിലെത്തിയശേഷം തിരികെ കരമനയിലേക്കുപോകും വഴി കുന്നംപുറം തടിമില്ലിന് സമീപമായിരുന്നു ആക്രമണം. സുനിലിനൊപ്പം ബൈക്കില്‍ സഹോദരി ബീനയുമുണ്ടായിരുന്നു.
കൈകള്‍ക്കും കാലിന്‍റെ തുടക്കും സാരമായി പരിക്കേറ്റ സുനിലിനെ ആദ്യം വിളപ്പില്‍ കമ്യൂണിറ്റി ഹെല്‍ത്ത് സെന്‍ററിലും തുടര്‍ന്ന്, തിരുവനന്തപുരം മെഡിക്കല്‍കോളജ് ആശുപത്രിയിലും പ്രവേശിപ്പിക്കുകയായിരുന്നു. അടിയന്തരമായി ശസ്ത്രക്രിയയും നടത്തി.
അതേസമയം ബൈക്കിലെത്തി ആക്രമണം നടത്തിയ മുഖ്യപ്രതികള്‍ ഇപ്പോഴും ഒളിവിലാണ്. കാട്ടാക്കടയില്‍ നിലനിന്ന സി.പി.എം-ബി.ജെ.പി സംഘര്‍ഷത്തിന്‍റെ തുടര്‍ച്ചയായാണ് സുനിലിനെതിരെ ആക്രമണമുണ്ടായത്. കാട്ടാക്കട ഡിവൈ.എസ്.പി അനില്‍കുമാറിന്‍റെ നിര്‍ദേശപ്രകാരമാണ് വിളപ്പില്‍ശാല പൊലീസ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.