നേമം: വ്യക്തിവിരോധം മൂലം യുവാവിനെ കുത്തിപ്പരിക്കേൽപ്പിച്ചശേഷം ഒളിവിൽ കഴിഞ്ഞുവന്ന പ്രതി കഞ്ചാവുമായി പിടിയിൽ. വിളവൂർക്കൽ ശാന്തുംമൂല ആൽത്തറ സി.എസ്.ഐ പള്ളിക്ക് സമീപം സോഫിൻ നിവാസിൽ സോഫിൻ (29) ആണ് പിടിയിലായത്. അടിപിടി, കൊലപാതകം, മോഷണക്കേസുകളിൽ കുപ്രസിദ്ധനാണ്.
രണ്ടു മാസം മുമ്പ് പാലോട്ടുവിളയിൽ അരുൺ (21) എന്ന യുവാവിനെ കുത്തിപ്പരിക്കേൽപ്പിച്ച് ഒളിവിൽ പോകുകയായിരുന്നു. യുവാവ് ഇപ്പോഴും അബോധാവസ്ഥയിൽ കഴിയുകയാണ്. കഴിഞ്ഞദിവസം 10 കിലോ കഞ്ചാവുമായി ചിറയിൻകീഴ് പൊലീസാണ് പ്രതിയെ പിടികൂടിയത്. തുടർന്ന് മലയിൻകീഴ് പൊലീസ് ഇയാളെ കസ്റ്റഡിയിൽ വാങ്ങി തെളിവെടുപ്പ് നടത്തി. മലയിൻകീഴ്, മാറനല്ലൂർ, ചിറയിൻകീഴ് സ്റ്റേഷനുകളിലായി 17 കേസുകൾ ഇയാൾക്കെതിരേയുണ്ട്. മലയിൻകീഴ് സി.ഐ എ.വി സൈജു, എസ്.ഐ ആർ. രാജേഷ്, സി.പി.ഒമാരായ അഭിലാഷ്, ഷിബു, അനിൽകുമാർ എന്നിവർ ഉൾപ്പെട്ട സംഘം കസ്റ്റഡിയിൽ വാങ്ങിയ പ്രതിയെ വിശദമായ തെളിവെടുപ്പിനുശേഷം കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.