അജിത്ത്
നേമം: ഗുണ്ടാപ്പകയെ തുടര്‍ന്ന് യുവാവിനെ വെട്ടിപ്പരിക്കേല്‍പിച്ച സംഘത്തിലെ മൂന്നാം പ്രതി അറസ്റ്റില്‍. മണക്കാട് എം.എസ്.കെ നഗര്‍ സ്വദേശി നന്ദു എന്ന അജിത്ത് (25) ആണ് അറസ്റ്റിലായത്. കഴിഞ്ഞ ദിവസം പകല്‍സമയത്താണ് സംഭവം. മേലാംകോട് സ്വദേശി സജീവിനാണ് (37) വെട്ടുകത്തി കൊണ്ട് വെട്ടേറ്റത്. ഗുരുതരമായി പരിക്കേറ്റ ഇയാളെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
മേലാംകോട് ഭാഗത്തുള്ള ഒരു വീടിനു സമീപം നില്‍ക്കുമ്പോഴാണ് ഓട്ടോയിലെത്തിയ സംഘം വെട്ടുകത്തിയുമായി സജീവിനെ ആക്രമിക്കുന്നത്. സംഘത്തില്‍ അഞ്ചുപേരുണ്ടെന്നാണ് പൊലീസ് പറയുന്നത്. എം.എസ്.കെ നഗറില്‍നിന്നാണ് പ്രതിയെ നേമം സി.ഐ രഗീഷ്‌കുമാര്‍, എസ്.ഐമാരായ മധുമോഹന്‍, പ്രസാദ്, ഷിജു എന്നിവരുള്‍പ്പെട്ട സംഘം കസ്റ്റഡിയിലെടുത്തത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.