അവഗണനയുടെ നടുവിൽ ശാന്തിവിള പൊതു മാര്‍ക്കറ്റ്

നേ​മം: അ​വ​ഗ​ണ​ന​യും അ​ടി​സ്ഥാ​ന​സൗ​ക​ര്യ​മി​ല്ലാ​യ്മ​യും മൂ​ലം ശാ​ന്തി​വി​ള പൊതു മാ​ര്‍ക്ക​റ്റ് ബു​ദ്ധി​മു​ട്ടു​ന്നു. ഏ​ക​ദേ​ശം 40 വ​ര്‍ഷം മു​മ്പാ​ണ് ശാ​ന്തി​വി​ള​യി​ല്‍ നാ​ട്ടു​കാ​രു​ടെ നേ​തൃ​ത്വ​ത്തി​ല്‍ മാ​ര്‍ക്ക​റ്റ് ആ​രം​ഭി​ച്ച​ത്.

തു​ട​ര്‍ന്ന് ക​ല്ലി​യൂ​ര്‍ പ​ഞ്ചാ​യ​ത്തി​ന്റെ മേ​ല്‍നോ​ട്ട​ത്തി​ലാ​യി. 50 സെ​ന്റോ​ളം ഭൂ​മി​യി​ലാ​ണ് മാ​ര്‍ക്ക​റ്റു​ള്ള​ത്. ഏ​ക​ദേ​ശം 100 വ്യാ​പാ​രി​ക​ള്‍ ക​ച്ച​വ​ടം ന​ട​ത്തു​ന്നു​ണ്ട്. രാ​വി​ലെ 10 മു​ത​ല്‍ ഒ​രു​മ​ണി​വ​രെ​യാ​ണ് പ്ര​വ​ര്‍ത്ത​നം.

പ​ച്ച​ക്ക​റി​ച്ച​ന്ത​യും മ​ത്സ്യ​ച്ച​ന്ത​യും വെ​വ്വേ​റെ​യു​ള്ള ഇ​വി​ടെ മു​മ്പ് താ​ങ്ങാ​വു​ന്ന വാ​ട​ക​യാ​യി​രു​ന്നു. അ​ത്​ കു​റ​ച്ചു​നാ​ളാ​യി ഭീ​മ​മാ​യ തു​ക​യാ​യ​താ​യി ഇ​വ​ര്‍ക്ക്​ പ​രാ​തി​യു​ണ്ട്. മാ​ര്‍ക്ക​റ്റി​ലെ ച​വ​ര്‍സം​സ്‌​ക​ര​ണ സം​ഭ​ര​ണി ഇ​ടി​ഞ്ഞു​പൊ​ളി​ഞ്ഞു​കി​ട​ക്കു​ക​യാ​ണ്. 50,000 രൂ​പ മു​ട​ക്കി​യാ​ണ് ഇ​ത്​ സ്ഥാ​പി​ച്ച​ത്.

ഇ​പ്പോ​ള്‍ ച​ന്ത​ക്കു​ള്ളി​ല്‍ത്ത​ന്നെ കു​ഴി​യെ​ടു​ത്താ​ണ് മാ​ലി​ന്യം മൂ​ടു​ന്ന​ത്. ഉ​ച്ച​ക്ക്​ ച​ന്ത പി​രി​യു​ന്ന​തോ​ടെ സാ​മൂ​ഹി​ക​വി​രു​ദ്ധ​ര്‍ ത​മ്പ​ടി​ക്കു​ന്ന​താ​യി ആ​രോ​പ​ണ​മു​ണ്ട്. ച​ന്ത​യു​ടെ ഗേ​റ്റ് പൂ​ട്ടി സു​ര​ക്ഷി​ത​മാ​ക്കാ​ത്ത​തി​നാ​ൽ രാ​ത്രി​യാ​യാ​ല്‍ മ​ദ്യ​പാ​നി​ക​ളു​ടെ വി​ഹാ​ര​കേ​ന്ദ്ര​മാ​ണി​വി​ടം.

പൈ​പ്പ് സ്ഥാ​പി​ച്ചി​ട്ടു​ണ്ടെ​ങ്കി​ലും ച​ന്ത വൃ​ത്തി​യാ​ക്കി​യി​ട്ട് ആ​ഴ്ച​ക​ളാ​യ​തി​നാ​ൽ അ​സ​ഹ്യ​മാ​യ ദു​ര്‍ഗ​ന്ധ​മാ​ണ് ച​ന്ത​ക്കു​ള്ളി​ൽ. വ​ര്‍ഷ​ങ്ങ​ളാ​യി നാ​ട്ടു​കാ​ര്‍ക്ക് പ്ര​യോ​ജ​ന​പ്ര​ദ​മാ​യ ച​ന്ത​യോ​ടു​ള്ള ക​ല്ലി​യൂ​ര്‍ പ​ഞ്ചാ​യ​ത്തി​ന്റെ അ​വ​ഗ​ണ​ന അ​വ​സാ​നി​പ്പി​ക്ക​ണ​മെ​ന്നും അ​ടി​സ്ഥാ​ന​സൗ​ക​ര്യ​ങ്ങ​ള്‍ ഒ​രു​ക്ക​ണ​മെ​ന്നും സാ​ധു​സം​ര​ക്ഷ​ണ​സ​മി​തി സെ​ക്ര​ട്ട​റി ശാ​ന്തി​വി​ള സു​ബൈ​ര്‍ ആ​വ​ശ്യ​പ്പെ​ട്ടു.