ദീപു
നേമം: ഓട്ടോമൊബൈൽ വർക്ക് ഷോപ്പിൽ പാർക്ക് ചെയ്തിരുന്ന ടിപ്പർ ലോറിയിലെ ബാറ്ററി മോഷ്ടിച്ച സംഭവത്തിൽ യുവാവ് മലയിൻകീഴ് പോലീസ് പിടിയിലായി. മലയിൻകീഴ് മലയം പെരിഞ്ഞാഴി മേലെ വീട്ടിൽ ദീപു (37) ആണ് പിടിയിലായത്.
ഡിസംബർ 26-നായിരുന്നു കേസിനാസ്പദമായ സംഭവം. മലയിൻകീഴ് ഇരട്ടക്കലുങ്ക് ഭാഗത്ത് സ്ഥിതിചെയ്യുന്ന മാതാ ഓട്ടോമൊബൈൽസിൽ പാർക്ക് ചെയ്തിരുന്ന ടിപ്പർ ലോറിയുടെ 6,500 രൂപ വിലവരുന്ന ബാറ്ററിയാണ് പ്രതി മോഷ്ടിച്ചു കടത്തിയത്. സി.സി.ടി.വി ദൃശ്യങ്ങളുടെ അടിസ്ഥാനത്തിൽ നടത്തിയ അന്വേഷണത്തിനൊടുവിൽ മലയിൻകീഴ് ജംഗ്ഷന് സമീപത്ത് നിന്നാണ് പ്രതി പിടിയിലായത്.
ഇയാൾക്കെതിരെനിരവധി ക്രിമിനൽ കേസുകൾ ഉള്ളതായി പൊലീസ് പറഞ്ഞു. മലയിൻകീഴ് സി.ഐ എ.വി സൈജു, എസ്.ഐമാരായ ആർ. രാജേഷ്, സുരേഷ്, സി.പി.ഒ സജു എന്നിവർ ഉൾപ്പെട്ട സംഘം പിടികൂടിയ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.