വെൽഫെയർ പാർട്ടി പാങ്ങോട് പഞ്ചായത്ത് കമ്മിറ്റി കാക്കാണിക്കരയിൽ സംഘടിപ്പിച്ച ഓണാഘോഷവും ഭക്ഷ്യധാന്യ കിറ്റ് വിതരണവും ജില്ലാ പ്രസിഡന്‍റ് അഷ്റഫ് കല്ലറ ഉദ്ഘാടനം ചെയ്യുന്നു
പാങ്ങോട്: വെൽഫെയർ പാർട്ടി പാങ്ങോട് പഞ്ചായത്ത് കമ്മിറ്റിയുടെ നേതൃത്വത്തിൽ കാക്കാണിക്കരയിൽ ഓണാഘോഷവും ഭക്ഷ്യധാന്യ കിറ്റ് വിതരണവും സംഘടിപ്പിച്ചു. ജില്ലാ പ്രസിഡന്‍റ് അഷ്റഫ് കല്ലറ ഉദ്ഘാടനം ചെയ്തു. സർക്കാർ സേവനങ്ങൾ ജനങ്ങൾക്ക് ലഭ്യമാകാതിരിക്കുമ്പോഴാണ് രാഷ്ട്രീയ പാർട്ടികൾക്ക് ഇത്തരം പരിപാടികൾ സംഘടിപ്പിക്കേണ്ടിവരുന്നതെന്ന് അദ്ദേഹം പറഞ്ഞു. സപ്ലൈകോ ഔട്ട്ലെറ്റുകളിൽ എത്രയും വേഗം ജനങ്ങൾക്ക് ആവശ്യമായ ഭക്ഷ്യധാന്യങ്ങൾ എത്തിക്കണമെന്നും അദ്ദേഹം ആവശ്യപ്പെട്ടു.
പഞ്ചായത്ത് കമ്മിറ്റി പ്രസിഡന്‍റ് നാസർ ചല്ലിമുക്ക് അധ്യക്ഷതവഹിച്ചു. പാങ്ങോട് പഞ്ചായത്ത് വൈസ് പ്രസിഡന്‍റ് എ.എം.റജീന, മണ്ഡലം പ്രസിഡന്‍റ് എം.കെ. ഷാജഹാൻ, സുഗു കാക്കാണിക്കര, ശൈലജ, രജനി രാജ്, നസീർ മൗലവി എന്നിവർ സംസാരിച്ചു. വലിയവയൽ വാർഡ് മെമ്പർ ചക്കമല ഷാനവാസ് സ്വാഗതവും യൂനിറ്റ് സെക്രട്ടറി ഷീബ നന്ദിയും പറഞ്ഞു. കുട്ടികളുടെ കലാ കായിക മത്സരങ്ങളും പായസവിതരണവും സംഘടിപ്പിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.