മാഞ്ഞാലിക്കുളത്തെ മലിനജലം; കലുങ്ക്​​ നിർമാണം പകുതി പിന്നിടുന്നു, ദുഷ്കരമായി യാത്ര

തി​രു​വ​ന​ന്ത​പു​രം: മാ​ഞ്ഞാ​ലി​ക്കു​ളം റോ​ഡ്​ ഓ​വ​ർ​ബ്രി​ഡ്ജ്​-​ത​മ്പാ​നൂ​ർ റോ​ഡി​ൽ മു​ട്ടു​ന്ന ഭാ​ഗ​ത്തെ പൊ​ട്ടി​യൊ​ഴു​കു​ന്ന മ​ലി​ന​ജ​ല പ്ര​ശ്​​നം പ​രി​ഹ​രി​ക്കു​ന്ന​തി​നു​ള്ള പു​തി​യ ക​ലു​ങ്ക്​​ നി​ർ​മാ​ണം പ​കു​തി പി​ന്നി​ട്ടു. നി​ല​വി​ൽ എ​സ്.​എ​സ്​ കോ​വി​ൽ റോ​ഡി​ലെ ഗ​താ​ഗ​തം നി​യ​ന്ത്രി​ച്ച്​ ഇ​വി​ടെ​യാ​ണ്​ ഓ​ട​ക്കു​ള്ള ജോ​ലി​ക​ൾ ന​ട​ക്കു​ന്ന​ത്. ഒ​രു മീ​റ്റ​ർ താ​ഴ്​​ച​യി​ലും 80 സെ​ന്‍റീ​മീ​റ്റ​ർ വീ​തി​യി​ലു​മാ​ണ്​ ​നി​ർ​മാ​ണം. ഇ​വി​ടെ കോ​ൺ​ക്രീ​റ്റി​ങ്​ ജോ​ലി​ക​ൾ പൂ​ർ​ത്തി​യാ​യ​ശേ​ഷം ഇ​തു​വ​ഴി​യു​ള്ള ഗ​താ​ഗ​തം പു​നഃ​സ്ഥാ​പി​ക്കും. പി​ന്നീ​ടാ​ണ്​ മാ​ഞ്ഞാ​ലി​ക്കു​ളം റോ​ഡി​ൽ ഗ​താ​ഗ​തം നി​യ​ന്ത്രി​ച്ചു​ള്ള ക​ലു​ങ്ക്​ നി​ർ​മാ​ണം ന​ട​ക്കു​ക. ഇ​തു​കൂ​ടി പൂ​ർ​ത്തി​യാ​യ​ശേ​ഷം ഓ​പ​റേ​ഷ​ൻ അ​ന​ന്ത​യു​ടെ ഭാ​ഗ​മാ​യി നി​ർ​മി​ച്ച ഓ​ട​യി​ൽ പു​തി​യ ഓ​ട ബ​ന്ധി​പ്പി​ക്കു​ന്ന​തോ​ടെ​യാ​ണ്​ ജോ​ലി​ക​ൾ പൂ​ർ​ത്തി​യാ​കു​ക.

ജ​ല അ​തോ​റി​റ്റി​യു​ടെ പൈ​പ്പു​ക​ളും ബി.​എ​സ്.​എ​ൻ.​എ​ല്ലി​ലെ​യ​ട​ക്കം കേ​ബി​ളു​ക​ളും ഈ ​ഭാ​ഗ​ത്തു​ണ്ട്. ഇ​വ​യെ​ല്ലാം നീ​ക്കി​യ​ശേ​ഷ​മാ​ണ്​ ജോ​ലി​ക​ൾ. അ​തേ​സ​മ​യം വെ​ള്ളം റോ​ഡി​ലേ​ക്ക്​ പൊ​ട്ടി​യൊ​ഴു​കാ​ൻ കാ​ര​ണം നി​ല​വി​ലെ ഓ​ട​യു​ടെ ത​ക​രാ​റാ​ണോ അ​തോ മ​റ്റെ​വി​ടെ​നി​ന്നെ​ങ്കി​ലും വെ​ള്ളം ഇ​ങ്ങോ​ട്ടേ​ക്ക്​ തു​റ​ന്ന്​ വി​ടു​ന്ന​താ​ണോ​യെ​ന്ന്​ വ്യ​ക്ത​മ​ല്ല. ഈ ​ഭാ​ഗ​ത്തെ ഓ​ട തു​റ​ന്ന്​ പ​രി​ശോ​ധി​ക്കു​മ്പോ​ഴേ ഇ​ക്കാ​ര്യം വ്യ​ക്ത​മാ​കൂ.

നി​ല​വി​ൽ പൊ​ട്ടി​യൊ​ഴു​കു​ന്ന ഡ്രെ​യി​നേ​ജ്​ മാ​ലി​ന്യ​ത്തി​ൽ ജ​നം പൊ​റു​തി​മു​ട്ടു​ക​യാ​ണ്. മാ​ഞ്ഞാ​ലി​ക്കു​ളം റോ​ഡി​ലേ​ക്ക്​ പ്ര​വേ​ശി​ക്കു​ന്ന ഭാ​ഗ​ത്താ​ണ്​ മ​ലി​ന​ജ​ലം റോ​ഡി​ലൂ​ടെ പൊ​ട്ടി​യൊ​ഴു​കു​ന്ന​ത്. നി​ർ​മാ​ണ​ത്തി​ന്‍റെ ഭാ​ഗ​മാ​യി നി​യ​ന്ത്ര​ണ​ങ്ങ​ളു​ള്ള​തി​നാ​ൽ എ​സ്.​എ​സ്​ കോ​വി​ൽ വ​ഴി പോ​കേ​ണ്ട വാ​ഹ​ന​ങ്ങ​ൾ മാ​ഞ്ഞാ​ലി​ക്കു​ളം റോ​ഡ്​ വ​ഴി​യാ​ണ്​ തി​രി​ച്ചു​വി​ടു​ന്ന​ത്. നി​ർ​മാ​ണ ജോ​ലി​യു​ടെ ഭാ​ഗ​മാ​യി ഓ​ട​യി​ലെ സ്ലാ​ബു​ക​ൾ ഈ ​വ​ഴി​യി​ലേ​ക്ക്​ ഇ​ള​ക്കി​യി​ട്ടി​രി​ക്കു​ന്ന​തും വെ​ള്ള​ക്കെ​ട്ടും കൂ​ടി​യാ​യ​തോ​ടെ കൂ​ടു​ത​ൽ രൂ​ക്ഷ​മാ​ണ്​ മാ​ഞ്ഞാ​ലി​ക്കു​ളം റോ​ഡി​ലെ സ്ഥി​തി. ജോ​ലി​ക​ൾ പൂ​ർ​ത്തി​യാ​കു​ന്ന​തോ​ടെ പ്ര​ശ്ന​ങ്ങ​ൾ​ക്ക്​ പ​രി​ഹാ​ര​മാ​കു​മെ​ന്ന പ്ര​തീ​ക്ഷ​യി​ലാ​ണ്​ വ്യാ​പാ​രി​ക​ൾ. സെ​ക്ര​ട്ടേ​റി​യ​റ്റി​ലേ​ക്ക​ട​ക്കം എ​ത്താ​നു​ള്ള പ്ര​ധാ​ന മാ​ർ​ഗ​മാ​ണി​ത്. എ​ത്ര ദി​വ​സം കൊ​ണ്ട്​ ജോ​ലി​ക​ൾ പൂ​ർ​ത്തി​യാ​കു​മെ​ന്ന്​ ഇ​നി​യും വ്യ​ക്ത​മ​ല്ല. വാ​ഹ​ന​ങ്ങ​ൾ ക​ട​ന്നു​പോ​കു​മ്പോ​ൾ മ​ലി​ന​ജ​ലം ശ​രീ​ര​ത്തി​ൽ തെ​റി​ക്കു​ന്ന​ത്​ പ​തി​വാ​ണെ​ന്ന്​ കാ​ൽ​ന​ട​ക്കാ​രും പ​റ​യു​ന്നു.