കിളിമാനൂർ: ബൈക്ക് യാത്രികനെ നടുറോഡിൽ മർദിച്ച കേസിൽ രണ്ടുപേരെ പള്ളിക്കൽ പൊലീസ് അറസ്റ്റ് ചെയ്തു. പാരിപ്പള്ളി കിഴക്കനേല കൊട്ടാരം വീട്ടിൽ അനന്ദു (22), കിഴക്കനേല ജെ.എസ് ഭവനിൽ ശ്രീജിത്ത് (32) എന്നിവരാണ് പിടിയിലായത്.
വെള്ളിയാഴ്ച വൈകീട്ട് അഞ്ചോടെയായിരുന്നു സംഭവം. പ്രതികൾ ഓടിച്ച ബൈക്ക് പാരിപ്പള്ളി ജങ്ഷനിൽെവച്ച് മുന്നിൽ പോയ ചടയമംഗലം സ്വദേശി മനോജ് മുരളിയുടെ ബൈക്കിന് പിന്നിൽ ഇടിച്ചു. മനോജിനെ മദ്യലഹരിയിലായിരുന്ന സംഘം ചീത്ത വിളിക്കുകയും ബൈക്കിൽ പിന്തുടർന്ന് തടഞ്ഞ് മർദിക്കുകയുമായിരുന്നു. കഴുത്തിന് ഗുരുതര പരിക്കേറ്റ മനോജിനെ പാരിപ്പള്ളി മെഡിക്കൽ കോളജിൽ പ്രവേശിപ്പിച്ചു.
സംഭവത്തെതുടർന്ന് ഒളിവിൽ പോയ പ്രതികളെക്കുറിച്ച് പള്ളിക്കൽ പൊലീസിൽ കിട്ടിയ രഹസ്യവിവരത്തിൻെറ അടിസ്ഥാനത്തിൽ പള്ളിക്കൽ എസ്.എച്ച്.ഒ ശ്രീജിത്ത് പി, എസ്.ഐ എം. സഹിൽ, എ.എസ്.ഐ സജിത്ത്, എസ്.സി.പി.ഒ മനോജ്, ബിനു, അജീഷ് എന്നിവരടങ്ങുന്ന സംഘമാണ് അറസ്റ്റ് ചെയ്തത്. പ്രതികളെ കോടതി ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.