അമിത ഭാരം കയറ്റി വന്ന മിനി ലോറി കാരക്കോണം പെട്രോള് പമ്പില് തല കീഴായി മറിഞ്ഞപ്പോള്
വെള്ളറട: അമിത ഭാരം കയറ്റി വന്ന മിനി ലോറി പെട്രോള് പമ്പില് തല കീഴായി മറിഞ്ഞു. ചൊവ്വാഴ്ച വൈകീട്ട് അഞ്ചിന് കുന്നത്തുകാല് കാരക്കോണം ഭാരത് പെട്രോള് പമ്പിലാണ് അപകടം. പ്രദേശത്ത് നാളുകളായി അമിതഭാരം കയറ്റി വരുന്ന വാഹനങ്ങള് അപകടത്തിൽപെടുന്നത് തുടര്ക്കഥയാണ്.
നിരവധി പരാതികള് നാട്ടുകാരുടെ ഭാഗത്തുനിന്ന് ഉയര്ന്നെങ്കിലും അധികൃതരുടെ അനാസ്ഥ കാരണം സമാനമായ സംഭവങ്ങള് ആവർത്തിക്കുന്നു.
രാത്രിയുടെ മറവില് ടിപ്പര് ലോറികളില് അമിതമായി മണ്ണ് കയറ്റി ഇടറോഡ് വഴി പായുന്നതുമൂലം മണ്ണ് വീണ് ചളിയാകുകയും ബൈക്ക് യാത്രികര് തെന്നി വീണ് അപകടമുണ്ടാകുകയും പതിവാണ്. ചൊവ്വാഴ്ച ബൈക്ക് യാത്രികരായ ആനപ്പാറ കാറ്റാടി സ്വദേശി ജയരാജിന് പരിക്കേറ്റു. രാത്രിയുടെ മറവില് അനധികൃതമായി പാടശേഖരം നികത്തല് തകൃതിയായി നടക്കുന്നത് കൃഷി വകുപ്പും വില്ലേജ് അതികൃതരും കണ്ടിെല്ലന്ന് നടിക്കുന്നതായി പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.