കോ​വി​ഡ്​ നെഗറ്റിവ്​; വോട്ടർമാർ പോസിറ്റിവ്​

ക​ൽ​പ​റ്റ: കോ​വി​ഡി​ലും ആ​വേ​ശ​മൊ​ട്ടും ചോ​രാ​തെ ജി​ല്ല​യി​ലെ വോ​ട്ട​ർ​മാ​ർ. കോ​വി​ഡ് ഭീ​തി​യി​ൽ പോ​ളി​ങ് ശ​ത​മാ​നം കു​റ​യു​മെ​ന്ന്​ ആ​ശ​ങ്ക​പ്പെ​ട്ടി​രു​ന്ന രാ​ഷ്​​ട്രീ​യ പാ​ർ​ട്ടി​ക​ളെ​പോ​ലും അ​മ്പ​ര​പ്പി​ച്ചു​കൊ​ണ്ടാ​യി​രു​ന്നു ആ​ദ്യ മ​ണി​ക്കൂ​റു​ക​ളി​ൽ ജി​ല്ല​യി​ൽ വോ​ട്ടി​ങ് പു​രോ​ഗ​മി​ച്ച​ത്. ഉ​ച്ച​യോ​ടെ പ​ല​യി​ട​ങ്ങ​ളി​ലും മ​ന്ദീ​ഭ​വി​ച്ചെ​ങ്കി​ലും അ​വ​സാ​ന മ​ണി​ക്കൂ​റു​ക​ളി​ലേ​ക്ക് അ​ടു​ത്ത​തോ​ടെ ജ​നം ബൂ​ത്തി​ലേ​ക്ക് ഒ​ഴു​കി.

വൈ​കീ​ട്ട് ആ​റ്​ ക​ഴി​ഞ്ഞും പ​ല ബൂ​ത്തു​ക​ളി​ലും വോ​ട്ടെ​ടു​പ്പ് തു​ട​ർ​ന്നു. 6,25,455 വോ​ട്ട​ർ​മാ​ർ​ക്ക് ജി​ല്ല​യി​ൽ 848 പോ​ളി​ങ് സ്​​റ്റേ​ഷ​നു​ക​ളാ​ണ് സ​ജ്ജീ​ക​രി​ച്ചി​രു​ന്ന​ത്. ന​ഗ​ര​ങ്ങ​ളി​ലെ​യും ഗ്രാ​മ​ങ്ങ​ളി​ലെ​യും ബൂ​ത്തു​ക​ളി​ൽ രാ​വി​ലെ​ത്ത​ന്നെ ന​ല്ല തി​ര​ക്ക​നു​ഭ​വ​പ്പെ​ട്ടു. സ്ത്രീ​ക​ളാ​ണ് കൂ​ടു​ത​ലാ​യി എ​ത്തി​യ​ത്. രാ​വി​ലെ പ​ത്തോ​ടെ​ത്ത​ന്നെ വോ​ട്ട​ർ​മാ​രി​ലെ നാ​ലി​ലൊ​ന്നു പേ​ർ വോ​ട്ടു രേ​ഖ​പ്പെ​ടു​ത്തി.

25.86 ശ​ത​മാ​നം. ന​ഗ​ര​സ​ഭ​ക​ളി​ൽ ക​ൽ​പ​റ്റ​യി​ലാ​ണ് ഈ​സ​മ​യം ഉ​യ​ർ​ന്ന പോ​ളി​ങ് രേ​ഖ​പ്പെ​ടു​ത്തി​യ​ത്. ബ്ലോ​ക്കു​ക​ളി​ൽ ബ​ത്തേ​രി​യി​ലാ​യി​രു​ന്നു ഉ​യ​ർ​ന്ന പോ​ളി​ങ്. 29.11 ശ​ത​മാ​നം. രാ​വി​ലെ 11നു​ത​ന്നെ കോ​ട്ട​ത്ത​റ പ​ഞ്ചാ​യ​ത്തി​ൽ 43.41 ശ​ത​മാ​നം വോ​ട്ട​ർ​മാ​ർ സ​മ്മ​തി​ദാ​ന അ​വ​കാ​ശം വി​നി​യോ​ഗി​ച്ചു. ഉ​ച്ച​ക്ക് ഒ​ന്നോ​ടെ ജി​ല്ല​യി​ലെ പോ​ളി​ങ് 50 ശ​ത​മാ​നം പി​ന്നി​ട്ടു. 3,16,660 വോ​ട്ട​ർ​മാ​ർ ഇ​തി​ന​കം വോ​ട്ടു രേ​ഖ​പ്പെ​ടു​ത്തി.

പു​രു​ഷ​ന്മാ​ർ 1,54,771 പേ​രും സ്ത്രീ​ക​ൾ 1,61,888 പേ​രും വോ​ട്ടു ചെ​യ്തു. മൂ​ന്നു മ​ണി​യോ​ടെ പോ​ളി​ങ് 63.87 ശ​ത​മാ​ന​ത്തി​ലെ​ത്തി. ഇ​തി​നി​ടെ പ​ല​യി​ട​ങ്ങ​ളി​ലും ​വോ​ട്ടു​യ​ന്ത്രം പ​ണി​മു​ട​ക്കി​യെ​ങ്കി​ലും അ​ധി​കം വൈ​കാ​തെ പ്ര​ശ്നം പ​രി​ഹ​രി​ച്ച് വോ​ട്ടെ​ടു​പ്പ് പു​ന​രാ​രം​ഭി​ച്ചു. വൈ​കീ​ട്ട് ആ​റോ​ടെ പോ​ളി​ങ് ശ​ത​മാ​നം 78.63 ശ​ത​മാ​ന​ത്തി​ലെ​ത്തി. 4,91,819 പേ​ർ വോ​ട്ടു രേ​ഖ​പ്പെ​ടു​ത്തി. ആ​കെ​യു​ള്ള 848 പോ​ളി​ങ് സ്​​റ്റേ​ഷ​നു​ക​ളി​ൽ 453 എ​ണ്ണ​ത്തി​ൽ മാ​ത്ര​മാ​ണ് ആ​റി​ന് വോ​ട്ടെ​ടു​പ്പ് പൂ​ർ​ത്തി​യാ​യ​ത്.ബാ​ക്കി​യു​ള്ള ബൂ​ത്തു​ക​ളി​ൽ വോ​ട്ട​ർ​മാ​ർ​ക്ക് ടോ​ക്ക​ൺ ന​ൽ​കി വോ​ട്ടി​ങ് തു​ട​ർ​ന്നു.