കൽപറ്റ: ജൈത്ര സിനിമാസിൽ അതിക്രമം നടത്തുകയും സെക്യൂരിറ്റിയെ മർദിക്കുകയും ചെയ്ത കേസിൽ അഞ്ചുപേർ അറസ്റ്റിൽ. ചുണ്ടേൽ ഓടത്തോട് സ്വദേശി അൻഷാദ് (27), മേപ്പാടി ചൂരൽമല സ്വദേശി ആർ. സൂരജ് (25), മുട്ടിൽ വാര്യാട് സ്വദേശി വെങ്കിടേശ് പ്രസാദ് (29), കൽപറ്റ സ്വദേശി ഇർഷാദ് (27), മേപ്പാടി കള്ളാടി സ്വദേശി എ.പി. സൂരജ് (24) എന്നിവരാണ് അറസ്റ്റിലായത്. തിങ്കളാഴ്ച പുലർച്ച 12.30 ഓടെയായിരുന്നു തിയറ്ററിൽ അതിക്രമം നടന്നത്.
രാത്രി 9.45നായിരുന്നു പ്രദർശന സമയം. വൈകിയെത്തിയ സംഘം സിനിമ ആദ്യം മുതൽ വീണ്ടും പ്രദർശിപ്പിക്കണമെന്ന് ആവശ്യപ്പെട്ടു. പിന്നീട് സിനിമ കണ്ടിറങ്ങിയശേഷം സംഘം പാർക്കിങ് ഗ്രൗണ്ടിലെത്തി സെക്യൂരിറ്റിയെ മർദിച്ചു. ഉടൻ മറ്റു സെക്യൂരിറ്റി ജീവനക്കാരെത്തി തിയറ്ററിന്റെ ഗേറ്റ് അടക്കുകയും പൊലീസിനെ വിവരം അറിയിക്കുകയും ചെയ്തു. എന്നാൽ സംഘം കാർ ഉപയോഗിച്ച് തിയറ്ററിന്റെ ഗേറ്റ് ഇടിച്ച് തകർത്ത് പുറത്തേക്ക് പോവുകയായിരുന്നു. മർദനത്തിൽ സെക്യൂരിറ്റി ജീവനക്കാരൻ ബൈജുവിനാണ് പരിക്കേറ്റത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.