പി.എം. തോമസ്, കെ.എ. റോയിമോന്‍,
പി.കെ. മുഹമ്മദ് ഷെഫീഖ്
കൽപറ്റ: സംസ്ഥാന കര്‍ഷക അവാര്‍ഡ് നേട്ടത്തിൽ മികവോടെ വയനാട് ജില്ല. ഏറ്റവും മികച്ച കര്‍ഷകനുള്ള കര്‍ഷകോത്തമ പുരസ്‌കാരം, മണ്ണ് സംരക്ഷണ പ്രവര്‍ത്തനത്തില്‍ ഏര്‍പ്പെട്ട മികച്ച കര്‍ഷകനുള്ള ക്ഷോണി സംരക്ഷണ പുരസ്‌കാരം, പൈതൃക കൃഷി, വിത്ത് സംരക്ഷണം, വിള സംരക്ഷണം എന്നീ പ്രവര്‍ത്തനങ്ങള്‍ നടത്തുന്ന മികച്ച ആദിവാസി ഊര്, മികച്ച രണ്ടാമത്തെ ട്രൈബല്‍ ക്ലസ്റ്റര്‍, മികച്ച രണ്ടാമത്തെ കൃഷി ഓഫിസര്‍ എന്നീ പുരസ്‌കാരങ്ങളാണ് വയനാടിനെ തേടിയെത്തിയത്. ഏറ്റവും മികച്ച കര്‍ഷകനുള്ള സിബി കല്ലിങ്കല്‍ സ്മാരക കര്‍ഷകോത്തമ അവാര്‍ഡിന് പുല്‍പള്ളി ശശിമല സ്വദേശി കെ.എ. റോയിമോന്‍ അര്‍ഹനായി.
രണ്ടുലക്ഷം രൂപയും ഫലകവും സര്‍ട്ടിഫിക്കറ്റുമാണ് അവാര്‍ഡ്.പൈതൃക കൃഷി, വിത്ത് സംരക്ഷണം, വിള സംരക്ഷണം എന്നീ പ്രവര്‍ത്തനങ്ങള്‍ നടത്തുന്ന മികച്ച ആദിവാസി ഊരായി കാട്ടിക്കുളം ബേഗൂരിലെ ഇരുമ്പ്പാലം ആദിവാസി ഊരിനെ തെരഞ്ഞെടുത്തു. ഒരു ലക്ഷം രൂപയും ഫലകവും സര്‍ട്ടിഫിക്കറ്റുമാണ് അവാര്‍ഡ്. മണ്ണ് സംരക്ഷണ പ്രവര്‍ത്തനത്തില്‍ മികച്ച മാതൃക തീര്‍ത്ത പുല്‍പള്ളി സീതാമൗണ്ട് സ്വദേശി പി.എം. തോമസിന് ക്ഷോണി സംരക്ഷണ പുരസ്‌കാരം ലഭിച്ചു. 50,000 രൂപയും ഫലകവും സര്‍ട്ടിഫിക്കറ്റുമാണ് പുരസ്‌കാരം.
മികച്ച രണ്ടാമത്തെ ട്രൈബല്‍ ക്ലസ്റ്ററായി മാനന്തവാടിയിലെ ചുരുളി ക്ലസ്റ്ററിനെ തെരഞ്ഞെടുത്തു.
25,000 രൂപയും ഫലകവും സര്‍ട്ടിഫിക്കറ്റുമാണ് അവാര്‍ഡ്. മികച്ച രണ്ടാമത്തെ കൃഷി ഓഫിസറായി തൊണ്ടാര്‍നാട് കൃഷി ഓഫിസര്‍ പി.കെ. മുഹമ്മദ് ഷെഫീഖിനെ തെരഞ്ഞെടുത്തു. ഫലകവും സര്‍ട്ടിഫിക്കറ്റും അടങ്ങുന്നതാണ് അവാര്‍ഡ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.