ക​ടു​വ​ക്കാ​യി തിര​ച്ചി​ൽ ഊ​ർ​ജി​തം

മാ​ന​ന്ത​വാ​ടി: അ​യ​നി​യാ​റ്റി​ൽ കോ​ള​നി പ​രി​സ​ര​ത്തി​റ​ങ്ങി​യ ക​ടു​വ​ക്കാ​യി തി​ര​ച്ചി​ൽ ന​ട​ത്തി​യെ​ങ്കി​ലും പ്ര​ദേ​ശ​ത്ത് ക​ടു​വ​യു​ടെ സാ​ന്നി​ധ്യ​മോ പു​തി​യ കാ​ൽ​പ്പാ​ടു​ക​ളോ ക​ണ്ടെ​ത്താ​നാ​യി​ല്ല. ക​ടു​വ​ക്കാ​യി നോ​ർ​ത്ത് വ​യ​നാ​ട് വ​നം ഡി​വി​ഷ​ൻ റാ​പ്പി​ഡ് റെ​സ്‌​പോ​ൺ​സ് ടീ​മും ത​ല​പ്പു​ഴ ഫോ​റ​സ്റ്റ് സ്റ്റേ​ഷ​ൻ ടീ​മും ക​ഴി​ഞ്ഞ ദി​വ​സ​ങ്ങ​ളി​ൽ തി​ര​ച്ചി​ൽ ന​ട​ത്തി​യി​രു​ന്നു.

പ്ര​ദേ​ശ​വാ​സി​ക​ളു​ടെ ആ​ശ​ങ്ക​യ​ക​റ്റു​ന്ന​തി​നാ​യി വ​നം വ​കു​പ്പി​ന​റെ നേ​തൃ​ത്വ​ത്തി​ൽ നൈ​റ്റ് പ​ട്രോ​ളി​ങും ഏ​ർ​പ്പെ​ടു​ത്തി. ബു​ധ​നാ​ഴ്ച രാ​വി​ലെ​യാ​ണ് അ​യ​നി​യാ​റ്റി​ലി​ലെ സം​ഭ​ര​ണ​കേ​ന്ദ്ര​ത്തി​ൽ പാ​ല​ള​ക്കാ​നെ​ത്തി​യ​വ​ർ ക​ടു​വ​യു​ടെ കാ​ൽ​പ്പാ​ടു​ക​ൾ ക​ണ്ട​ത്. തു​ട​ർ​ന്ന് സ്ഥ​ല​ത്തെ​ത്തി​യ വ​ന​പാ​ല​ക​ർ ഇ​ത് ക​ടു​വ​യു​ടേ​തെ​ന്ന് സ്ഥി​രീ​ക​രി​ച്ചു. സ​മീ​പ​ത്തു​ള്ള തേ​യി​ല​ത്തോ​ട്ട​ത്തി​ലും മ​റ്റു​മാ​ണ് കാ​ര്യ​മാ​യി തി​ര​ച്ചി​ൽ ന​ട​ത്തി​യ​ത്. പ്ര​ദേ​ശ​വു​മാ​യി അ​തി​ര് പ​ങ്കി​ടു​ന്ന പി​ലാ​ക്കാ​വ് ജെ​സി വ​ന​ത്തി​ലേ​ക്ക് ക​ടു​വ പോ​യി​ട്ടു​ണ്ടാ​കു​മെ​ന്ന നി​ഗ​മ​ന​ത്തി​ലാ​ണ് വ​നം വ​കു​പ്പ് ഉ​ദ്യോ​ഗ​സ്ഥ​ർ.

പി​ന്നീ​ട് ക​ടു​വ​യു​ടെ സാ​ന്നി​ധ്യം സ്ഥി​രീ​ക​രി​ക്കാ​ത്ത​ത് വ​ന​പാ​ല​ക​ർ​ക്കും പ്ര​ദേ​ശ​വാ​സി​ക​ൾ​ക്കും ഒ​രു പോ​ലെ ആ​ശ്വാ​സ​മാ​യി​ട്ടു​ണ്ട്. ക​ടു​വ​യെ നി​രീ​ക്ഷി​ക്കു​ന്ന​തി​നാ​യി കാ​ൽ​പാ​ടു ക​ണ്ട പ്ര​ദേ​ശ​ത്തി​നു സ​മീ​പം ര​ണ്ടു കാ​മ​റ​ക​ൾ വ​ന​പാ​ല​ക​ർ സ്ഥാ​പി​ച്ചി​ട്ടു​ണ്ട്. ഈ ​കാ​മ​റ​യി​ലൊ​ന്നും ക​ടു​വ​യു​ടെ ദൃ​ശ്യം പ​തി​ഞ്ഞി​ട്ടി​ല്ല.