കംഫർട്ട് സ്റ്റേഷന്റെ പുതിയ കെട്ടിടം മദ്യപരുടെ താവളം

മേ​പ്പാ​ടി: ഗ്രാ​മപ​ഞ്ചാ​യ​ത്ത് ബ​സ് സ്റ്റാ​ൻ​ഡി​ലെ പ്ര​വൃ​ത്തി പൂ​ർ​ത്തി​യാ​കാ​ത്ത പു​തി​യ കം​ഫ​ർ​ട്ട് സ്റ്റേ​ഷ​ൻ കെ​ട്ടി​ടം രാ​ത്രി​യാ​യാ​ൽ മ​ദ്യ​പ​രു​ടെ താ​വ​ളം. നി​ല​വി​ലു​ള്ള ജീ​ർ​ണി​ച്ച കം​ഫ​ർ​ട്ട് സ്റ്റേ​ഷ​ൻ കെ​ട്ടി​ട​ത്തി​ന് പ​ക​ര​മാ​യാ​ണ് പു​തി​യ കെ​ട്ടി​ടം നി​ർ​മി​ച്ച​ത്.

മ​ദ്യം, ക​ഞ്ചാ​വ്, നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ൾ എ​ന്നി​വ ഉ​പ​യോ​ഗി​ക്കാ​നു​ള്ള സു​ര​ക്ഷി​ത ഇ​ട​മാ​യി കെ​ട്ടി​ടം മാ​റി​യി​ട്ട് ഒ​രു വ​ർ​ഷ​ത്തി​ലേ​റെ​യാ​യി. ബീ​യ​ർ കു​പ്പി​ക​ൾ, മ​ദ്യ​ക്കു​പ്പി​ക​ൾ, ഡി​സ്പോ​സി​ബി​ൾ ഗ്ലാ​സു​ക​ൾ, നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ളു​ടെ ഒ​ഴി​ഞ്ഞ പാ​ക്ക​റ്റു​ക​ൾ എ​ന്നി​വ കൊ​ണ്ട് കെ​ട്ടി​ട​ത്തി​ന്റെ ഉ​ൾ​ഭാ​ഗം നി​റ​ഞ്ഞി​രി​ക്കു​ക​യാ​ണ്. രാ​ത്രി ഈ ​ഭാ​ഗം ഇ​രു​ട്ടി​ലാ​കു​ന്ന​ത് സാ​മൂ​ഹി​ക വി​രു​ദ്ധ​ർ​ക്ക് കൂ​ടു​ത​ൽ സൗ​ക​ര്യ​മാ​കു​ന്നു. ശു​ചി​ത്വ മി​ഷ​ൻ ഫ​ണ്ട് ഉ​പ​യോ​ഗി​ച്ച് 20 ല​ക്ഷം രൂ​പ ചെ​ല​വ​ഴി​ച്ചാ​ണ് കെ​ട്ടി​ട​ത്തി​ന്റെ ഇ​തു​വ​രെ​യു​ള്ള പ​ണി പൂ​ർ​ത്തീ​ക​രി​ച്ച​ത്.

ഫ​ണ്ട് തി​ക​യാ​തെ വ​ന്ന​താ​ണ് പ്ര​വൃ​ത്തി പാ​തി വ​ഴി​യി​ൽ നി​ല​യ്ക്കാ​ൻ കാ​ര​ണ​മാ​യി പ​റ​യു​ന്ന​ത്. ടൈ​ൽ പ​ണി​ക​ൾ, വ​യ​റി​ങ്, വാ​തി​ലു​ക​ൾ, പെ​യി​ന്റി​ങ് മു​ത​ലാ​യ പ​ണി​ക​ൾ ഇ​നി​യും ബാ​ക്കി​യാ​ണ്. വൈ​ദ്യു​തി, വെ​ള്ളം ക​ണ​ക്ഷ​നു​ക​ൾ എ​ന്നി​വ പു​തു​താ​യി എ​ടു​ക്കു​ക​യും വേ​ണം. ശു​ചി​ത്വ​മി​ഷ​ന്റെ 10 ല​ക്ഷം രൂ​പ കൂ​ടി വീ​ണ്ടും അ​നു​വ​ദി​ച്ചി​ട്ടു​ണ്ടെ​ന്ന് പ​ഞ്ചാ​യ​ത്ത​ധി​കൃ​ത​ർ പ​റ​ഞ്ഞു. ടെ​ൻ​ഡ​ർ ക്ഷ​ണി​ച്ചെ​ങ്കി​ലും പ്ര​വൃ​ത്തി ഏ​റ്റെ​ടു​ക്കാ​ൻ ആ​രും മു​ന്നോ​ട്ടു വ​രു​ന്നി​ല്ലെ​ന്നാ​ണ് അ​വ​ർ പ​റ​യു​ന്ന​ത്.

പ​ണി പൂ​ർ​ത്തി​യാ​കാ​തെ കെ​ട്ടി​ടം ഒ​ഴി​ഞ്ഞ് കി​ട​ക്കാ​ൻ തു​ട​ങ്ങി​യി​ട്ട് ഒ​രു വ​ർ​ഷ​ത്തി​ല​ധി​ക​മാ​യി. വാ​തി​ലു​ക​ൾ ഇ​ല്ലാ​തെ കെ​ട്ടി​ടം തു​റ​ന്ന നി​ല​യി​ൽ കി​ട​ക്കു​ന്ന​താ​ണ് ല​ഹ​രി ഉ​പ​യോ​ഗി​ക്കു​ന്ന​വ​ർ​ക്ക് അ​നു​ഗ്ര​ഹ​മാ​വു​ന്ന​ത്. ബാ​ക്കി​യു​ള്ള നി​ർ​മാ​ണ പ്ര​വൃത്തികൾ ഉ​ട​ൻ പൂ​ർ​ത്തീ​ക​രി​ച്ച് കം​ഫ​ർ​ട്ട് സ്റ്റേ​ഷ​ൻ പൊ​തുജ​ന​ങ്ങ​ൾ​ക്ക് തു​റ​ന്നു​കൊ​ടു​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.

കംഫർട്ട് സ്റ്റേഷൻ കെ​ട്ടി​ട​ത്തി​നു​ള്ളി​ൽ മ​ദ്യ​ക്കു​പ്പി​ക​ളും

നി​രോ​ധി​ത പാ​ൻമ​സാ​ല

പാ​ക്ക​റ്റു​ക​ളും