ഇ​ബ്രാ​ഹി​മിന്‍റെ ത​ട​വ് മ​നു​ഷ്യാ​വ​കാ​ശ പ്ര​ശ്നം –ടി. ​സി​ദ്ദീ​ഖ് എം.​എ​ൽ.​എ

മേ​പ്പാ​ടി: മാ​വോ​വാ​ദി ബ​ന്ധ​മാ​രോ​പി​ച്ച് യു.​എ.​പി.​എ ചു​മ​ത്തി ആ​റു വ​ർ​ഷ​മാ​യി വി​ചാ​ര​ണ ത​ട​വു​കാ​ര​നാ​യി ജ​യി​ലി​ൽ ക​ഴി​യു​ന്ന 67കാ​ര​ൻ മു​ക്കി​ൽ​പ്പീ​ടി​ക സ്വ​ദേ​ശി ഇ​ബ്രാ​ഹി​മി​ന് സ​റ്റാ​ൻ സ്വാ​മി​യു​ടെ അ​വ​സ്ഥ​യു​ണ്ടാ​കാ​ൻ ഇ​ട​യാ​ക്കാ​തെ സ​ർ​ക്കാ​ർ മ​നു​ഷ്യ​ത്വ​പ​ര​മാ​യ ഇ​ട​പെ​ട​ൽ ന​ട​ത്ത​ണ​മെ​ന്ന് അ​ഡ്വ. ടി. ​സി​ദ്ദീ​ഖ് എം.​എ​ൽ.​എ ആ​വ​ശ്യ​പ്പെ​ട്ടു.

ഇ​ട​ക്കാ​ല ജാ​മ്യം പോ​ലും അ​നു​വ​ദി​ക്കാ​തെ വി​യ്യൂ​ർ ജ​യി​ലി​ൽ ക​ഴി​യു​ന്ന അ​ദ്ദേ​ഹ​ത്തിെൻറ ആ​രോ​ഗ്യ​നി​ല വ​ള​രെ മോ​ശ​മാ​ണ്. ര​ണ്ടു ത​വ​ണ ഹൃ​ദ​യാ​ഘാ​ത​മു​ണ്ടാ​യി. ക​ടു​ത്ത പ്ര​മേ​ഹ​രോ​ഗി​യു​മാ​ണ്. കു​ടും​ബം ക​ടു​ത്ത ആ​ശ​ങ്ക​യി​ലും ഭീ​തി​യി​ലു​മാ​ണ്. മ​നു​ഷ്യാ​വ​കാ​ശ പ്ര​ശ്ന​മെ​ന്ന നി​ല​യി​ൽ സ​ർ​ക്കാ​ർ അ​ടി​യ​ന്ത​ര​മാ​യി വി​ഷ​യ​ത്തി​ൽ ഇ​ട​പെ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

മു​ക്കി​ൽ​പ്പീ​ടി​ക​യി​ലു​ള്ള ഇ​ബ്രാ​ഹി​മിെൻറ വീ​ട്ടി​ലെ​ത്തി കു​ടും​ബാം​ഗ​ങ്ങ​ളെ സ​ന്ദ​ർ​ശി​ച്ച​ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു എം.​എ​ൽ.​എ. ഇ​ബ്രാ​ഹി​മി​നു നി​യ​മ സ​ഹാ​യ​മെ​ത്തി​ക്കാ​ൻ വേ​ണ്ട​ത് ചെ​യ്യാ​മെ​ന്നും കു​ടും​ബാം​ഗ​ങ്ങ​ൾ​ക്ക് ഉ​റ​പ്പ് ന​ൽ​കി.

യു.​ഡി.​എ​ഫ് നേ​താ​ക്കാ​ളാ​യ പി.​പി. ആ​ലി, അ​ഡ്വ. ടി.​ജെ. ഐ​സ​ക്, റ​സാ​ഖ് ക​ല്‍പ​റ്റ, ബി. ​സു​രേ​ഷ്ബാ​ബു, രാ​ജു ഹെ​ജ​മാ​ഡി, ഗോ​കു​ല്‍ദാ​സ് കോ​ട്ട​യി​ല്‍, കെ.​ജി. വ​ര്‍ഗീ​സ്, ആ​ര്‍. ഉ​ണ്ണി​കൃ​ഷ്ണ​ന്‍, നാ​സ​ര്‍ തു​ട​ങ്ങി​യ​വ​രും അ​ദ്ദേ​ഹ​ത്തോ​ടൊ​പ്പ​മു​ണ്ടാ​യി​രു​ന്നു. 

'മാ​വോ​വാ​ദി ബ​ന്ധം കെ​ട്ടു​ക​ഥ'

മേ​പ്പാ​ടി: വ​ട​ക​ര​യി​ലെ പ​ച്ച​ക്ക​റി​ക്ക​ട​യി​ൽ ജോ​ലി ചെ​യ്യു​ന്ന​തി​നി​ടെ അ​റ​സ്​​റ്റ് ചെ​യ്ത് ജ​യി​ലി​ല​ട​ച്ച ഇ​ബ്രാ​ഹി​മി​ന് മാ​വോ​വാ​ദി ബ​ന്ധ​മു​ണ്ടെ​ന്ന ആ​രോ​പ​ണം കെ​ട്ടു​ക​ഥ​യാ​ണെ​ന്ന് കു​ടും​ബാം​ഗ​ങ്ങ​ൾ. എ​ന്തെ​ങ്കി​ലും ത​ര​ത്തി​ൽ മാ​വോ​വാ​ദി പ്ര​സ്ഥാ​ന​വു​മാ​യി ബ​ന്ധ​മു​ള്ള​താ​യി ത​ങ്ങ​ൾ​ക്ക​റി​യി​ല്ലെ​ന്ന് ഭാ​ര്യ ജ​മീ​ല​യും മ​ക​ൻ നൗ​ഫ​ലും പ​റ​യു​ന്നു.

ത​ങ്ങ​ളെ​യും കേ​സി​ൽ കു​ടു​ക്കു​മെ​ന്ന ഭീ​ഷ​ണി​യു​ള്ള​തി​നാ​ലാ​ണ് ജാ​മ്യം ഉ​ൾ​പ്പെ​ടെ​യു​ള്ള നി​യ​മ​സ​ഹാ​യം തേ​ടാ​ത്ത​ത്. ക​ടു​ത്ത പ്ര​മേ​ഹ​രോ​ഗി​യും ഹൃ​ദ്രോ​ഗി​യു​മാ​ണ് അ​ദ്ദേ​ഹം.

പ്ര​മേ​ഹ​ത്തെ തു​ട​ർ​ന്ന് പ​ല്ലു​ക​ൾ മു​ഴു​വ​ൻ കൊ​ഴി​ഞ്ഞ് മോ​ണ​യി​ൽ പ​ഴു​പ്പ് ബാ​ധി​ച്ച അ​വ​സ്ഥ​യി​ലാ​ണ്. ഇ​തു​കാ​ര​ണം ഭ​ക്ഷ​ണം ക​ഴി​ക്കാ​ൻ പോ​ലും പ്ര​യാ​സ​പ്പെ​ടു​ക​യാ​ണ്. അ​ദ്ദേ​ഹ​ത്തിെൻറ കാ​ര്യ​ത്തി​ൽ ക​ടു​ത്ത ആ​ശ​ങ്ക​യു​ണ്ടെ​ന്നും കു​ടും​ബാം​ഗ​ങ്ങ​ൾ പ​റ​യു​ന്നു.

വെ​ള്ള​മു​ണ്ട​യി​ലെ പൊ​ലീ​സ് ഉ​ദ്യോ​ഗ​സ്ഥ​െൻറ വീ​ട്ടി​ൽ അ​തി​ക്ര​മി​ച്ചു ക​യ​റി ഭീ​ഷ​ണി​പ്പെ​ടു​ത്തു​ക​യും ബൈ​ക്ക്​ ക​ത്തി​ക്കു​ക​യും ചെ​യ്ത സം​ഭ​വ​ത്തി​ൽ പ്ര​തി​ക​ൾ​ക്കൊ​പ്പം ഗൂ​ഢാ​ലോ​ച​ന ന​ട​ത്തി​യെ​ന്നാ​ണ് കേ​സ്. 2015 ജൂ​ലൈ 13ന് ​പ​യ്യോ​ളി​യി​ൽ​നി​ന്നാ​ണ് മാ​വോ​വാ​ദി മു​ദ്ര ചാ​ർ​ത്തി ഇ​ബ്രാ​ഹി​മി​നെ അ​റ​സ്​​റ്റ് ചെ​യ്ത​ത്.