ദു​ര​ന്ത​മു​ഖ​ത്ത് അ​വ​ർ വീ​ണ്ടും ജോ​ലി​ക്കെ​ത്തി

മേ​പ്പാ​ടി: ഉ​രു​ൾ​ദു​ര​ന്തം ന​ട​ന്ന് 48 ദി​വ​സ​ങ്ങ​ൾ​ക്കു​ശേ​ഷം ആ​ദ്യ​മാ​യി എ​ച്ച്.​എം.​എ​ൽ എ​സ്റ്റേ​റ്റി​ൽ ജോ​ലി പു​ന​രാ​രം​ഭി​ച്ചു. സെ​ന്റി​ന​ൽ റോ​ക്ക് എ​സ്റ്റേ​റ്റ് ചൂ​ര​ൽ​മ​ല ഡി​വി​ഷ​നി​ലാ​ണ് തൊ​ഴി​ലാ​ളി​ക​ൾ ജോ​ലി​ക്കി​റ​ങ്ങി​യ​ത്. ഒ​രു സ്ത്രീ ​തൊ​ഴി​ലാ​ളി അ​ട​ക്കം 25 പേ​രാ​ണ് ചൊ​വ്വാ​ഴ്ച ജോ​ലി​ക്കെ​ത്തി​യ​ത്. വാ​ട​ക വീ​ടു​ക​ളി​ലു​ൾ​പ്പെ​ടെ പ​ല സ്ഥ​ല​ങ്ങ​ളി​ൽ താ​മ​സി​ച്ചു​വ​രു​ന്ന തൊ​ഴി​ലാ​ളി​ക​ളി​ൽ പ​ല​ർ​ക്കും ജോ​ലി​ക്കെ​ത്താ​ൻ ക​ഴി​ഞ്ഞി​ട്ടി​ല്ല.

സെ​ന്റി​ന​ൽ റോ​ക്ക് എ​സ്റ്റേ​റ്റി​ൽ ചൂ​ര​ൽ​മ​ല ഡി​വി​ഷ​നി​ലാ​ണ് ദു​ര​ന്ത​ത്തി​നി​ര​ക​ളാ​യി ദു​രി​തം അ​നു​ഭ​വി​ക്കു​ന്ന തൊ​ഴി​ലാ​ളി​ക​ളു​ള്ള​ത്. ആ​കെ​യു​ള്ള 321ൽ 35 ​തൊ​ഴി​ലാ​ളി​ക​ളു​ടെ ജീ​വ​ൻ ന​ഷ്ട​മാ​യി. കൂ​ടാ​തെ ര​ണ്ട് സ്റ്റാ​ഫും നാ​ല് അ​ന്ത​ർ സം​സ്ഥാ​ന തൊ​ഴി​ലാ​ളി​ക​ളും മ​രി​ച്ചി​ട്ടു​ണ്ട്. കൂ​ടെ ജോ​ലി ചെ​യ്തി​രു​ന്ന​വ​ർ ഇ​ന്ന് കൂ​ടെ​യി​ല്ലാ​ത്ത​തി​ന്റെ ഹൃ​ദ​യ​ഭാ​ര​ത്തോ​ടെ​യാ​ണ് തൊ​ഴി​ലാ​ളി​ക​ൾ ജോ​ലി പു​ന​രാ​രം​ഭി​ച്ച​ത്. ജി​ല്ല ക​ല​ക്ട​ർ പു​റ​പ്പെ​ടു​വി​ച്ച നി​ർ​ദേ​ശ​ങ്ങ​ൾ​ക്കും നി​ബ​ന്ധ​ന​ക​ൾ​ക്കും വി​ധേ​യ​മാ​യി​ട്ടാ​ണ് ജോ​ലി ചെ​യ്യേ​ണ്ട​ത്. രാ​വി​ലെ ഏ​ഴു മു​ത​ൽ ഉ​ച്ച​ക​ഴി​ഞ്ഞ് മൂ​ന്നു​മ​ണി വ​രെ​യാ​ണ് ജോ​ലി​സ​മ​യം നി​ശ്ച​യി​ച്ചി​ട്ടു​ള്ള​ത്. പു​ഴ​യി​ൽ​നി​ന്ന് 50 മീ​റ്റ​ർ വി​ട്ടു​മാ​റി മാ​ത്ര​മേ ജോ​ലി ചെ​യ്യാ​ൻ പാ​ടു​ള്ളൂ, ശ​ക്ത​മാ​യ മ​ഴ മു​ന്ന​റി​യി​പ്പു​ള്ള ദി​വ​സ​ങ്ങ​ളി​ൽ ജോ​ലി ചെ​യ്യി​ക്ക​രു​ത് തു​ട​ങ്ങി​യ നി​ബ​ന്ധ​ന​ക​ളു​മു​ണ്ട്. 47 ദി​വ​സ​ത്തോ​ള​മാ​യി ജോ​ലി ചെ​യ്യാ​ൻ ക​ഴി​യാ​ത്ത​തി​ന്റെ വ​രു​മാ​ന​ന​ഷ്ടം തൊ​ഴി​ലാ​ളി​ക​ൾ​ക്കു​ണ്ടാ​യി​ട്ടു​ണ്ട്. ആ ​ന​ഷ്ടം നി​ക​ത്താ​ൻ ന​ട​പ​ടി​യു​ണ്ടാ​ക​ണ​മെ​ന്നും അ​തോ​ടൊ​പ്പം വി​ദൂ​ര​സ്ഥ​ല​ങ്ങ​ളി​ൽ​നി​ന്ന് ജോ​ലി​ക്കെ​ത്താ​ൻ വാ​ഹ​ന​സൗ​ക​ര്യം ക​മ്പ​നി ഏ​ർ​പ്പെ​ടു​ത്ത​ണ​മെ​ന്നു​മു​ള്ള ആ​വ​ശ്യ​വും ഉ​യ​ർ​ന്നി​ട്ടു​ണ്ട്.

ഒ​രു മാ​സ​ത്തെ ശ​മ്പ​ളം മു​ൻ​കൂ​റാ​യി മാ​നേ​ജ്മെ​ന്റ് ന​ൽ​കി​യി​ട്ടു​ണ്ടെ​ന്നാ​ണ് വി​വ​രം. അ​ത് ഏ​ത് ക​ണ​ക്കി​ൽ ഉ​ൾ​പ്പെ​ടു​ത്തു​മെ​ന്ന് വ്യ​ക്ത​മ​ല്ല. ജോ​ലി പു​ന​രാ​രം​ഭി​ക്കാ​നു​ള്ള ന​ട​പ​ടി തൊ​ഴി​ലാ​ളി​ക​ൾ​ക്ക് ആ​ശ്വാ​സ​ക​ര​മാ​ണെ​ന്ന് വാ​ർ​ഡ് അം​ഗം എ​ൻ.​കെ. സു​കു​മാ​ര​ൻ പ​റ​ഞ്ഞു. ദു​ര​ന്ത​ത്തി​ന്റെ ഇ​ര​ക​ളാ​യ തൊ​ഴി​ലാ​ളി കു​ടും​ബ​ങ്ങ​ളെ ചേ​ർ​ത്തു​പി​ടി​ക്കാ​നു​ള്ള ഉ​ത്ത​ര​വാ​ദി​ത്തം ക​മ്പ​നി നി​ർ​വ​ഹി​ക്ക​ണ​മെ​ന്ന് എ​ച്ച്.​എം.​എ​സ് ജി​ല്ല സെ​ക്ര​ട്ട​റി പി.​കെ. അ​നി​ൽ​കു​മാ​ർ ആ​വ​ശ്യ​പ്പെ​ട്ടു.