അ​പ​ക​ട​ക്കെ​ണി​യാ​യി റോ​ഡി​ലെ കു​ഴി

മേ​പ്പാ​ടി: പ​ഞ്ചാ​യ​ത്ത് ഓ​ഫി​സി​ന്റെ പ്ര​വേ​ശ​ന ക​വാ​ട​ത്തി​ൽ വാ​ഹ​ന​ങ്ങ​ൾ​ക്ക് അ​പ​ക​ട ഭീ​ഷ​ണി ഉ​യ​ർ​ത്തി വ​ലി​യ കി​ട​ങ്ങ് രൂ​പ​പ്പെ​ട്ടി​ട്ട് ര​ണ്ടു വ​ർ​ഷ​ത്തി​ലേ​റെ​യാ​യി. പ്ര​ധാ​ന​പാ​ത ന​വീ​ക​ര​ണം ന​ട​ത്തി​യ​പ്പോ​ൾ ബാ​ക്കി നി​ർ​ത്തി​യ ഓ​വു​ചാ​ലി​ന്റെ പ്ര​വൃ​ത്തി പൂ​ർ​ത്തീ​ക​രി​ക്കാ​ത്ത​താ​ണ് ജ​ന​ങ്ങ​ളു​ടെ ദു​രി​ത​ത്തി​ന് കാ​ര​ണം. ചു​ണ്ടേ​ൽ - ചോ​ലാ​ടി അ​ന്ത​ർ​സം​സ്ഥാ​ന പാ​ത​യി​ൽ നി​ന്ന് പ​ഞ്ചാ​യ​ത്ത് ഓ​ഫി​സ്, കു​ടും​ബാ​രോ​ഗ്യ കേ​ന്ദ്രം, ഗ​വ. ഹ​യ​ർ സെ​ക്ക​ൻ​ഡ​​റി സ്കൂ​ൾ, കൃ​ഷി​ഭ​വ​ൻ, ആ​യു​ർ​വേ​ദ ആ​ശു​പ​ത്രി എ​ന്നി​വി​ട​ങ്ങ​ളി​ലേ​ക്ക് പോ​കേ​ണ്ട വാ​ഹ​ന​ങ്ങ​ളാ​ണ് ര​ണ്ടുവ​ർ​ഷ​ത്തി​ലേ​റെ​യാ​യി ഇ​തു​വ​ഴി ക​ട​ന്നു പോ​കാ​ൻ വി​ഷ​മി​ക്കു​ന്ന​ത്.

പ​ഞ്ചാ​യ​ത്ത് ബ​സ് കാ​ത്തി​രി​പ്പു​​കേ​ന്ദ്ര​ത്തി​നും പ്ര​ധാ​ന പാ​ത​ക്കു​മി​ട​യി​ലാ​ണ് വ​ലി​യ കി​ട​ങ്ങ് രൂ​പ​പ്പെ​ട്ടി​ട്ടു​ള്ള​ത്. നൂ​റുക​ണ​ക്കി​ന് വി​ദ്യാ​ർ​ഥി​ക​ൾ ഇ​വി​ടെ ബ​സ് കാ​ത്ത​ു നി​ൽ​ക്കാ​റു​ണ്ട്. മ​ഴ പെ​യ്യു​മ്പോ​ൾ കു​ഴി​യി​ൽ വെ​ള്ളം കെ​ട്ടി​ക്കി​ട​ക്കു​ന്ന​ത് ബ​സ് കാ​ത്തു​നി​ൽ​ക്കു​ന്ന വി​ദ്യാ​ർ​ഥി​ക​ളെ​യും കാ​ൽ​ന​ട യാ​ത്ര​ക്കാ​രെ​യും ദു​രി​ത​ത്തി​ലാ​ക്കു​ന്നു. ഇ​രു​ച​ക്ര വാ​ഹ​ന​ങ്ങ​ൾ മ​റി​ഞ്ഞു​വീ​ണ് അ​പ​ക​ട​ത്തി​ൽ​പ്പെ​ടു​ന്ന​തും പ​തി​വാ​ണ്.

ര​ണ്ട് വ​ർ​ഷ​ത്തി​ലേ​റെ​യാ​യി​ട്ടും പ്ര​ശ്നം പ​രി​ഹ​രി​ക്കു​ന്ന​തി​ന് പൊ​തു​മ​രാ​മ​ത്ത് അ​ധി​കൃ​ത​ർ​ക്ക് മേ​ൽ സ​മ്മ​ർ​ദം ചെ​ലു​ത്താ​ൻ ഗ്രാ​മ​പ​ഞ്ചാ​യ​ത്തോ ബ്ലോ​ക്ക് പ​ഞ്ചാ​യ​ത്ത​ധി​കൃ​ത​രോ ത​യാ​റാ​യി​ട്ടി​ല്ല എ​ന്ന ആ​ക്ഷേ​പ​വു​മു​ണ്ട്.