അതിജീവനത്തിന്റെ ബിരിയാണിപ്പൊതികൾ

മേ​പ്പാ​ടി: മേ​പ്പാ​ടി-​മൂ​പ്പൈ​നാ​ട്​-​ഊ​ട്ടി റോ​ഡി​ലൂ​ടെ ഉ​ച്ച​ക്ക്​ ന​ട​ക്കു​ക​യോ വാ​ഹ​ന​മോ​ടി​ച്ച്​ പോ​വു​ക​യോ ചെ​യ്യു​​മ്പോ​ൾ ഒ​രു ബി​രി​യാ​ണി മ​ണം ഒ​ഴു​കി​യെ​ത്തും. വ​ഴി​യോ​ര​ത്തു​നി​ന്ന്​ ബി​രി​യാ​ണി വി​ൽ​ക്കു​ന്ന ന​ത്തം​കു​നി സ്വ​ദേ​ശി ഉ​മി​ഷ​യി​ലേ​ക്കാ​ണ്​ അ​ത്​ ന​മ്മെ കൊ​ണ്ടെ​ത്തി​ക്കു​ക. ര​ണ്ടു വ​ർ​ഷ​മാ​വു​ന്നു അ​വ​ർ ഈ ​നി​ൽ​പു​തു​ട​ങ്ങി​യി​ട്ട്. കൃ​ത്യ​മാ​യി പ​റ​ഞ്ഞാ​ൽ കോ​വി​ഡ്​ മ​ഹാ​മാ​രി​യെ തു​ട​ർ​ന്ന്​ ജോ​ലി ന​ഷ്​​ട​പ്പെ​ട്ട കാ​ലം മു​ത​ൽ.

കോ​വി​ഡ്​ ര​ണ്ടാം ത​രം​ഗ​ത്തെ തു​ട​ർ​ന്ന്​ ഹോ​ട്ട​ലു​ക​ളെ​ല്ലാം അ​ട​ഞ്ഞു​കി​ട​ന്ന ഘ​ട്ട​ത്തി​ൽ സ​ഞ്ചാ​രി​ക​ൾ​ക്കും നാ​ട്ടു​കാ​ർ​ക്കു​മെ​ല്ലാം വ​ലി​യ ആ​ശ്വാ​സ​മാ​യി​രു​ന്നു ഈ ​ബി​രി​യാ​ണി​പ്പൊ​തി​ക​ൾ. ക​ട​ക​ൾ വീ​ണ്ടും തു​റ​ന്ന​തോ​ടെ ക​ച്ച​വ​ടം ഇ​ടി​ഞ്ഞു. കാ​ലാ​വ​സ്​​ഥ മോ​ശ​മാ​ണെ​ങ്കി​ലും ക​ച്ച​വ​ട​ത്തെ വ​ല്ലാ​തെ ബാ​ധി​ക്കും.

ഇ​പ്പോ​ൾ ദി​വ​സേ​ന 15 മു​ത​ൽ 20വ​രെ ബി​രി​യാ​ണി ചെ​ല​വാ​കും. ഭ​ക്ഷ​ണ​വി​ൽ​പ​ന​യി​ൽ മു​ൻ​പ​രി​ച​യം ഒ​ന്നു​മി​ല്ല. മ​റ്റാ​രെ​യും ആ​ശ്ര​യി​ക്കാ​തെ ഒ​രു ബി​സി​ന​സ്​ ചെ​യ്​​ത്​ സ്വ​യം നി​ല​നി​ൽ​ക്കു​ക​യും മ​റ്റു​ള്ള​വ​ർ​ക്ക്​ ഗു​ണം ചെ​യ്യു​ക​യും വേ​ണ​മെ​ന്ന്​ തോ​ന്നി. ന​ല്ല ഭ​ക്ഷ​ണം ന​ൽ​കു​ക​യാ​ണ്​ അ​തി​ന്​ ഏ​റ്റ​വും ന​ല്ല​തെ​ന്ന്​ തീ​രു​മാ​നി​ച്ചു. ബി​രി​യാ​ണി വി​ൽ​പ​ന തു​ട​ങ്ങി​യ ശേ​ഷം സ്​​ഥി​ര​മാ​യി വാ​ങ്ങു​ന്ന ആ​ളു​ക​ളു​ടെ അ​ഭി​പ്രാ​യ​ങ്ങ​ളും നി​ർ​ദേ​ശ​ങ്ങ​ളും തേ​ടി. അ​വ​ർ ന​ൽ​കി​യ ഉ​പ​ദേ​ശ​ങ്ങ​ൾ കൂ​ടി പ​രി​ഗ​ണി​ച്ച്​ മാ​റ്റം വ​രു​ത്തി​യ​പ്പോ​ൾ സം​ഗ​തി ഉ​ഷാ​റാ​യി.

ആ​ട്ടി​യ വെ​ളി​ച്ചെ​ണ്ണ​യി​ൽ പൊ​രി​ച്ച ചി​ക്ക​നും മി​ൽ​മ​യു​ടെ നെ​യ്യും മേ​ൽ​ത്ത​രം അ​രി​യു​മൊ​ക്കെ ഉ​പ​യോ​ഗി​ച്ച്​ ത​യാ​റാ​ക്കി പാ​ള​പ്ലേ​റ്റി​ൽ പാ​ക്ക്​ ചെ​യ്യു​ന്ന ബി​രി​യാ​ണി 100 രൂ​പ​ക്ക്​ വി​ൽ​ക്കു​​മ്പോ​ൾ അ​മി​ത ലാ​ഭം ഒ​ന്നും കി​ട്ടി​ല്ല. പ​ക്ഷേ, വ​ല്ലാ​ത്ത ഒ​രു സം​തൃ​പ്​​തി ല​ഭി​ക്കു​ന്നു​വെ​ന്ന്​ ഉ​മി​ഷ പ​റ​യു​ന്നു. മ​ക്ക​ളെ പ​രി​പാ​ലി​ക്കാ​നും വീ​ടു​വാ​ട​ക കൊ​ടു​ക്കാ​നും ത‍െൻറ ​ചെ​റു സം​രം​ഭം കൊ​ണ്ട്​ ഇ​വ​ർ​ക്ക്​ ക​ഷ്​​ടി​ച്ച്​ സാ​ധി​ക്കു​ന്നു​ണ്ട്.

നി​ല​ച്ചു​പോ​യ പ​ഠ​നം പു​ന​രാ​രം​ഭി​ക്ക​ണം, സ്വ​ന്ത​മാ​യി വീ​ട്​ ഉ​ണ്ടാ​ക്ക​ണം, ചെ​റി​യ ഒ​രു ക​ട​യി​ട്ട്​ കു​റ​ച്ച്​ സ്​​ത്രീ​ക​ൾ​ക്കെ​ങ്കി​ലും തൊ​ഴി​ൽ ന​ൽ​ക​ണം എ​ന്നി​ങ്ങ​നെ ചി​ല സ്വ​പ്​​ന​ങ്ങ​ളും ഉ​ള്ളി​ലു​ണ്ട്. അ​തി​നാ​യി പ​ലി​ശ​യി​ല്ലാ​ത്ത വാ​യ്​​പ​ക​ൾ ല​ഭി​ക്കു​മോ എ​ന്ന അ​ന്വേ​ഷ​ണ​ത്തി​ലാ​ണ്. ഓ​രോ വ​ൻ​കി​ട സം​രം​ഭ​ക​രും ആ​ദ്യ​മേ ത​ന്നെ വ​ലി​യ സ്​​ഥാ​പ​ന​ങ്ങ​ളു​മാ​യി വ​ന്ന​വ​ര​ല്ല​ല്ലോ.

ചെ​റി​യ രീ​തി​യി​ൽ തു​ട​ങ്ങി വ​ള​ർ​ന്നു​പ​ന്ത​ലി​ച്ച​വ​രാ​ണ്. മു​ത​ൽ​മു​ട​ക്കാ​ൻ പ​ണ​മി​ല്ലെ​ങ്കി​ലും സ്വ​ന്തം കാ​ലി​ൽ അ​ഭി​മാ​ന​ത്തോ​ടെ ഉ​യ​ർ​ന്നു​നി​ൽ​ക്കാ​നു​ള്ള ആ​ഗ്ര​ഹം ത‍ന്റെ ഉ​ള്ളി​ൽ ആ​വോ​ള​മു​ണ്ടെ​ന്നും അ​തി​ജീ​വ​ന​ത്തി​ന്​ അ​ത്​ ധാ​രാ​ളം മ​തി​യെ​ന്നും അ​വ​ർ ഉ​റ​പ്പി​ച്ച്​ പ​റ​യു​ന്നു.