ഊ​ട്ടി മെ​ഡി​ക്ക​ൽ കോ​ള​ജ്: മാ​ർ​ച്ചി​ൽ പൂ​ർ​ത്തീ​ക​രി​ക്കും- മ​ന്ത്രി

ഗൂ​ഡ​ല്ലൂ​ർ: ഊ​ട്ടി ഗ​വ.​മെ​ഡി​ക്ക​ൽ കോ​ള​ജ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ മാ​ർ​ച്ചി​ൽ പൂ​ർ​ത്തീ​ക​രി​ക്കു​മെ​ന്ന് ജി​ല്ല വി​ക​സ​ന പ​ദ്ധ​തി നി​രീ​ക്ഷ​ക​നും ടൂ​റി​സം മ​ന്ത്രി​യു​മാ​യ കെ.​രാ​മ​ച​ന്ദ്ര​ൻ പ​റ​ഞ്ഞു. 461 കോ​ടി രൂ​പ ചെ​ല​വി​ലാ​ണ് നീ​ല​ഗി​രി സ​ർ​ക്കാ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്. തു​ട​ർ​ച്ച​യാ​യി പെ​യ്യു​ന്ന മ​ഴ​യി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ യ​ഥാ​സ​മ​യം പൂ​ർ​ത്തി​യാ​ക്കാ​നാ​യി​ല്ല.

ചൊവ്വാഴ്ച ത​മി​ഴ്നാ​ട് ടൂ​റി​സം മ​ന്ത്രി രാ​മ​ച​ന്ദ്ര​ൻ അ​പ്ര​തീ​ക്ഷി​ത സ​ന്ദ​ർ​ശ​നം ന​ട​ത്തി കോ​ള​ജ് കെ​ട്ടി​ട​ങ്ങ​ൾ പ​രി​ശോ​ധി​ച്ചു. ക​ഴി​ഞ്ഞ വ​ർ​ഷം മു​ത​ൽ 150 വി​ദ്യാ​ർ​ഥി​ക​ൾ പ​ഠി​ക്കു​ന്നു​ണ്ട്. മന്ത്രി ഹോ​സ്റ്റ​ലി​ലെ സൗ​ക​ര്യ​ങ്ങ​ളും വി​ല​യി​രു​ത്തി. തു​ട​ർ​ന്ന് അ​ധി​കൃ​ത​രു​മാ​യി അ​വ​ലോ​ക​ന യോ​ഗം ന​ട​ത്തി. ജി​ല്ല ക​ല​ക്ട​ർ എ​സ്.​പി. അം​റി​ത്ത്, മെ​ഡി​ക്ക​ൽ കോ​ള​ജ് പ്രി​ൻ​സി​പ്പ​ൽ ഡോ. ​മ​നോ​ഹ​രി മ​റ്റ് പൊ​തു​മ​രാ​മ​ത്ത് അ​ധി​കൃ​ത​ർ എന്നിവർ പ​ങ്കെ​ടു​ത്തു.