പശുക്കിടാവിനെ കടുവ കൊന്നു; ക്ഷീരകർഷകരടക്കമുള്ളവർ ഭീതിയിൽ

ദേ​വ​ർ​ഷോ​ല: മേ​ച്ചി​ലി​ന് വി​ട്ട പ​ശുക്കിടാ​വി​നെ ക​ടു​വ​ കൊ​ന്നു. ദേ​വ​ൻ എ​സ്റ്റേ​റ്റ് ഒ​ന്നാം ഡി​വി​ഷ​നി​ലെ മ​ഹാ​ദേ​വ​ന്റെ പ​ശു​ക്കി​ടാ​വി​നെ​യാ​ണ് കൊ​ന്ന​ത്. തി​ങ്ക​ളാ​ഴ്ച വൈ​കീ​ട്ട് അഞ്ചോടെ റോ​ഡി​ൽ വെ​ച്ചാ​ണ് ക​ടു​വ പ​ശു​ക്കി​ടാ​വി​നെ ആ​ക്ര​മി​ച്ച​ത്. ഇ​യാ​ളു​ടെ ക​റ​വപ്പശു​വി​നെ ക​ഴി​ഞ്ഞ മാ​സ​മാ​ണ് ക​ടു​വ കൊ​ന്ന​ത്. ദേ​വ​ൻ, മേ​ഫീ​ൽ​ഡ് പ​രി​സ​ര പ്ര​ദേ​ശ​ങ്ങ​ൾ ക​ടു​വഭീ​ഷ​ണി​യി​ലാ​ണ്.

മ​സി​ന​ഗു​ഡി, ദേ​വ​ൻ, മേ​ഫീ​ൽ​ഡ് ഭാ​ഗ​ത്ത് ഭീ​ഷ​ണി​യാ​യ ക​ടു​വ ഒ​രു വ​ർ​ഷം മു​മ്പാ​ണ് ദേ​വ​ൻ ഒ​ന്നി​ലെ തോ​ട്ടം തൊ​ഴി​ലാ​ളി​യെ ആ​ക്ര​മി​ച്ചു കൊ​ല​പ്പെ​ടു​ത്തി​യ​ത്. ഈ ​ക​ടു​വ ദേ​വ​ൻ, മ​സി​ന​ഗു​ഡി, ശീ​മ​ധു​ര ഉ​ൾ​പ്പെ​ടെ നാ​ലു പേ​രെ കൊ​ല​പ്പെ​ടു​ത്തി​യി​രു​ന്നു. ഇ​തേ തു​ട​ർ​ന്ന് ന​ര​ഭോ​ജി​യാ​യി​മാ​റി​യ ക​ടു​വ​യെ പി​ന്നീ​ട് മ​സി​ന​ഗു​ഡി​യി​ൽ പി​ടി​കൂ​ടി മൈ​സൂ​രു മൃ​ഗ​ശാ​ല​യി​ൽ അ​ട​ച്ചി​രു​ന്നു.

ഇ​പ്പോ​ൾ വീ​ണ്ടും ക​ടു​വ ഭീ​ഷ​ണി​യി​ലാ​ണ് ദേ​വ​ൻ ഉ​ൾ​പ്പെ​ടെ​യു​ള്ള ഭാ​ഗ​ങ്ങ​ൾ. മൃ​ഗ​ങ്ങ​ളെ കി​ട്ടാ​തെ വ​ന്നാ​ൽ മ​നു​ഷ്യ​ർ​ക്ക് നേ​രെ തി​രി​യും എ​ന്നാ​ണ് നാ​ട്ടു​കാ​രു​ടെ ഭീ​തി​യും ആ​ശ​ങ്ക​യും. മ​നു​ഷ്യ​ന് നേ​രെ തി​രി​യു​ന്ന​തി​ന് മു​മ്പ് ക​ടു​വ​യെ നി​രീ​ക്ഷി​ച്ച് വ​ന​പാ​ല​ക​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ജ​ന​ങ്ങ​ളു​ടെ ആ​വ​ശ്യം.