ജീ​വ​ന​ക്കാ​രി​ല്ല; ജി​ല്ല കാ​ന്‍സ​ര്‍ സെ​ന്റ​ര്‍ പ്ര​വ​ര്‍ത്ത​നം അ​വ​താ​ള​ത്തി​ൽ

പീ​ച്ച​ങ്കോ​ട്: മ​തി​യാ​യ ജീ​വ​ന​ക്കാ​രി​ല്ലാ​തെ ജി​ല്ല​യി​ലെ ഏ​ക സ​ര്‍ക്കാ​ര്‍ അ​ര്‍ബു​ദ ചി​കി​ത്സ കേ​ന്ദ്ര​ത്തി​ന്റെ പ്ര​വ​ർ​ത്ത​നം അ​വ​താ​ള​ത്തി​ൽ. പീ​ച്ച​ങ്കോ​ട് അം​ബേ​ദ്ക​റി​ലെ ജി​ല്ല കാ​ന്‍സ​ര്‍ സെ​ന്റ​റി​ന് ആ​വ​ശ്യ​ത്തി​ന് സ്ഥ​ല​വും കെ​ട്ടി​ട​ങ്ങ​ളു​മു​ണ്ടെ​ങ്കി​ലും മ​തി​യാ​യ ജീ​വ​ന​ക്കാ​ര്‍ ഇ​ല്ലാ​ത്ത​താ​ണ് തി​രി​ച്ച​ടി​യാ​കു​ന്ന​ത്.

കി​ഡ്നി രോ​ഗി​ക​ള്‍ക്കാ​യി ഇ​വി​ടെ ഡ​യാ​ലി​സി​സ് സെ​ന്റ​ര്‍ പ്ര​വ​ര്‍ത്തി​ക്കു​ന്നു​ണ്ടെ​ങ്കി​ലും ആ​വ​ശ്യ​മാ​യ ജീ​വ​ന​ക്കാ​രി​ല്ലാ​ത്ത​ത് ഇ​തി​ന്റെ പ്ര​വ​ർ​ത്ത​ന​ത്തെ​യും ബാ​ധി​ക്കു​ന്നു​ണ്ട്. മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്തി​ന് കീ​ഴി​ല്‍ സി.​എ​ച്ച്.​സി സ്റ്റാ​ഫ് പാ​റ്റേ​ണി​ല്‍ പ്ര​വ​ര്‍ത്തി​ക്കു​ന്ന അം​ബേ​ദ്ക​ര്‍ മെ​മ്മോ​റി​യ​ല്‍ കാ​ന്‍സ​ര്‍ സെ​ന്റ​റി​നെ ജ​ന​റ​ല്‍ ആ​ശു​പ​ത്രി നി​ല​വാ​ര​ത്തി​ലേ​ക്ക് ഉ​യ​ര്‍ത്ത​ണ​മെ​ന്ന ആ​വ​ശ്യ​ത്തി​ന് നാ​ളു​ക​ളു​ടെ പ​ഴ​ക്ക​മു​ണ്ട്. എ​ട്ട് ഏ​ക്ക​റോ​ളം സ്ഥ​ല​വും ആ​വ​ശ്യ​മാ​യ കെ​ട്ടി​ട​ങ്ങ​ളു​മു​ള്ള​തി​നാ​ല്‍ സ​ര്‍ക്കാ​ര്‍ത​ല​ത്തി​ല്‍ തീ​രു​മാ​ന​മു​ണ്ടാ​യാ​ല്‍ വി​ക​സ​നം വേ​ഗ​ത്തി​ല്‍ യാ​ഥാ​ര്‍ഥ്യ​മാ​ക്കാ​നാ​കു​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. കു​റ​ഞ്ഞ​ത് 20 പേ​ര്‍ക്കെ​ങ്കി​ലും കി​ട​ത്തി​ച്ചി​കി​ത്സ ന​ല്‍കാ​ന്‍ ആ​വ​ശ്യ​മാ​യ ത​സ്തി​ക​ക​ള്‍ അ​നു​വ​ദി​ക്ക​ണ​മെ​ന്നാ​ണ് ആ​വ​ശ്യം. നി​ല​വി​ലു​ള്ള ക​ണ​ക്ക് പ്ര​കാ​രം 3792 അ​ര്‍ബു​ദ രോ​ഗി​ക​ളാ​ണ് ജി​ല്ല​യി​ലു​ള്ള​ത്.

ട്രൈ​ബ​ല്‍ ആ​ശു​പ​ത്രി​കൂ​ടി​യാ​യ കാ​ന്‍സ​ര്‍ സെ​ന്റ​റി​നെ ആ​ശ്ര​യി​ക്കു​ന്ന​വ​രി​ല്‍ അ​ധി​ക​വും ആ​ദി​വാ​സി​ക​ളാ​ണ്. സാ​മ്പ​ത്തി​ക ബാ​ധ്യ​ത​യും ദൂ​ര​ക്കൂ​ടു​ത​ലും കാ​ര​ണം പു​റ​ത്തു​പോ​യി ചി​കി​ത്സ തേ​ടാ​ന്‍ ക​ഴി​യാ​ത്ത സാ​ഹ​ച​ര്യ​മാ​ണു​ള്ള​ത്.

അ​തി​നാ​ല്‍ത​ന്നെ നി​ര​വ​ധി പേ​രാ​ണ് അം​ബേ​ദ്ക​ര്‍ മെ​മ്മോ​റി​യ​ല്‍ കാ​ന്‍സ​ര്‍ സെ​ന്റ​റി​നെ ആ​ശ്ര​യി​ക്കു​ന്ന​ത്. കി​ഡ്നി രോ​ഗി​ക​ള്‍ക്കാ​യി ഡ​യാ​ലി​സി​സ് സെ​ന്റ​റും ഡ​യാ​ലി​സി​സ് മെ​ഷീ​നു​ക​ളും ആ​ശു​പ​ത്രി​യി​ലു​ണ്ട്. എ​ന്നാ​ൽ, ഇ​തി​നാ​യി മൂ​ന്നു ജീ​വ​ന​ക്കാ​ർ മാ​ത്ര​മാ​ണ് ഇ​വി​ടെ​യു​ള്ള​ത്. ജീ​വ​ന​ക്കാ​രു​ടെ എ​ണ്ണം കൂ​ട്ടു​ന്ന​തും ആ​ശു​പ​ത്രി​യു​ടെ പ​ദ​വി ഉ​യ​ര്‍ത്തു​ന്ന​തു​മെ​ല്ലാം പ​രാ​മ​ർ​ശി​ച്ച് സ​മ​ഗ്ര മാ​സ്റ്റ​ര്‍ പ്ലാ​ന്‍ ത​യാ​റാ​ക്കി അ​ധി​കൃ​ത​ര്‍ വ​ർ​ഷ​ങ്ങ​ൾ​ക്ക് മു​മ്പ് ആ​രോ​ഗ്യ മ​ന്ത്രി​ക്ക് നി​വേ​ദ​നം ന​ൽ​കി​യി​രു​ന്നെ​ങ്കി​ലും ന​ട​പ​ടി​യു​ണ്ടാ​യി​ല്ല.