കലാലയ മുത്തശ്ശിക്കും പറയാനുണ്ട്; ദേശഭക്തരും രാജഭക്തരും ഏറ്റുമുട്ടിയ ആ കഥ

കൊ​ച്ചി: സ്വാ​ത​ന്ത്ര്യ സ​മ​ര പേ​രാ​ട്ട​ത്തി​ന്‍റെ വീ​ര സ്മ​ര​ണ​ക​ളാ​ണ്​ ന​ഗ​ര​ത്തി​ലെ ക​ലാ​ല​യ മു​ത്ത​ശ്ശി​യാ​യ മ​ഹാ​രാ​ജാ​സ് കോ​ള​ജി​നു​ള്ള​ത്. 1947 ആ​ഗ​സ്റ്റ് 14ന് ​രാ​ത്രി 11നാ​ണ്​ രാ​ജ്യം സ്വാ​ത​ന്ത്ര്യ പ്ര​ഖ്യാ​പ​നം ന​ട​ത്തു​ന്ന​തോ​ട​നു​ബ​ന്ധി​ച്ച് കോ​ള​ജി​ലെ കൊ​ടി​മ​ര​ച്ചു​വ​ട്ടി​ൽ ദേ​ശീ​യ പ​താ​ക ഉ​യ​ർ​ത്താ​നു​ള​ള ശ്ര​മ​ത്തി​നി​ടെ ദേ​ശ സ്നേ​ഹി​ക​ളും രാ​ജ​ഭ​ക്ത​രും ഏ​റ്റു​മു​ട്ടി​യ​ത്.

അ​ന്ന് കൊ​ച്ചി രാ​ജാ​വി​ന്‍റെ അ​ധീ​ന​ത​യി​ലാ​യി​രു​ന്നു കോ​ള​ജ്. കോ​ള​ജി​ലെ കൊ​ടി​മ​ര​ത്തി​ൽ ദേ​ശീ​യ പ​താ​ക​യു​യ​ർ​ത്താ​ൻ കൊ​ച്ചി വി​ദ്യാ​ർ​ഥി ഫെ​ഡ​റേ​ഷ​ന്‍റെ​യും വി​ദ്യാ​ർ​ഥി കോ​ൺ​ഗ്ര​സി​ന്‍റെ​യും പ്ര​വ​ർ​ത്ത​ക​ർ തീ​രു​മാ​നി​ച്ചു.

നേ​താ​ക്ക​ളാ​യ വി. ​വി​ശ്വ​നാ​ഥ​മേ​നോ​ൻ, വൈ​ലോ​പ്പി​ള്ളി രാ​മ​ൻ​കു​ട്ടി മേ​നോ​ൻ, ത​മ്മ​ന​ത്ത് അ​ര​വി​ന്ദാ​ക്ഷ മേ​നോ​ൻ, എ​ൻ.​എ. ക​രീം, ച​ന്ദ്ര​ഹാ​സ​ൻ, കെ.​കെ. സ​ത്യ​വ്ര​ത​ൻ, ടി.​സി.​എ​ൻ. മേ​നോ​ൻ തു​ട​ങ്ങി​യ​വ​രാ​യി​രു​ന്നു നേ​തൃ​ത്വം.

ഇ​വ​ർ ദേ​ശീ​യ പ​താ​ക​യു​മാ​യി കൊ​ടി​മ​ര​ച്ചു​വ​ട്ടി​ലെ​ത്തി. രാ​ജാ​വി​ന്‍റെ പ​താ​ക താ​ഴ്ത്താ​നാ​രം​ഭി​ച്ചു. പെ​ട്ടെ​ന്നാ​യി​രു​ന്നു രാ​ജ​ഭ​ക്ത​രു​ടെ വ​ര​വ്. രാ​ജ പ​താ​ക​യും ദേ​ശീ​യ പ​താ​ക​യും ഒ​രു​മി​ച്ച് കെ​ട്ട​ണ​മെ​ന്ന​താ​യി​രു​ന്നു അ​വ​രു​ടെ ആ​വ​ശ്യം. ത​ർ​ക്ക​ത്തി​നൊ​ടു​വി​ൽ ദേ​ശീ​യ പ​താ​ക മ​റ്റൊ​രു കൊ​ടി​മ​ര​ത്തി​ൽ കെ​ട്ടാ​ൻ തീ​രു​മാ​ന​മാ​യി.

ഇ​തി​നി​ട​യി​ൽ ആ​രോ രാ​ജ പ​താ​ക വ​ലി​ച്ചു​താ​ഴെ​യി​ട്ടു. ഇ​തോ​ടെ പൊ​രി​ഞ്ഞ അ​ടി​പൊ​ട്ടി. രാ​ജ​ഭ​ക്ത​രു​ടെ മ​ർ​ദന​ത്തി​ൽ വി​ദ്യാ​ർ​ഥി​ക​ൾ​ക്ക് ഗു​രു​ത​ര പ​രി​ക്കേ​റ്റു. മ​ർ​ദ​ന​ത്തി​ൽ പ്ര​തി​ഷേ​ധി​ച്ച് ഒ​രു വി​ഭാ​ഗം വി​ദ്യാ​ർ​ഥി​ക​ൾ മ​ന്ത്രി പ​ന​മ്പി​ള്ളി​യു​ടെ വീ​ട്ടി​ലേ​ക്ക് മാ​ർ​ച്ച് ന​ട​ത്തി. പി​റ്റേ​ന്ന് രാ​വി​ലെ കോ​ള​ജി​ലെ​ത്തി​യ വി​ദ്യാ​ർ​ഥി​ക​ൾ ഒ​രു വി​ദ്യാ​ർ​ഥി​നി​യു​ടെ നേ​തൃ​ത്വ​ത്തി​ൽ സം​ഘ​ടി​ച്ചു. കൊ​ടി​മ​ര​ച്ചു​വ​ട്ടി​ലെ​ത്തി ദേ​ശീ​യ​പ​താ​ക​യു​യ​ർ​ത്തി.

തു​ട​ർ​ന്ന് തൃപ്പൂ​ണി​ത്തു​റ​യി​ലെ രാ​ജ​കൊ​ട്ടാ​ര​ത്തി​ലേ​ക്ക് പ്ര​തി​ഷേ​ധ മാ​ർ​ച്ച് ന​ട​ത്തി. കൊ​ച്ചി​യി​ലെ പൊ​ലീ​സ് സൂ​പ്ര​ണ്ടാ​യി​രു​ന്ന മ​ന്നാ​ടി​യാ​ർ നാ​യ​രു​ടെ മ​ക​ളാ​യി​രു​ന്ന സു​ലോ​ച​ന​യാ​യി​രു​ന്നു നേ​തൃ​ത്വം ന​ൽ​കി​യ ആ ​വി​ദ്യാ​ർ​ഥി​നി. ഇ​തി​ന്‍റെ തു​ട​ർ​ച്ച​യാ​യി പ്രി​ൻ​സി​പ്പ​ൽ 17 വി​ദ്യാ​ർ​ഥി​ക​ളെ പു​റ​ത്താ​ക്കി​യ​തും ഇ​തി​നെ​തി​രെ ന​ട​ന്ന തു​ട​ർ സ​മ​ര​ങ്ങ​ളു​മെ​ല്ലാം അ​ക്കാ​ല​ത്ത് ന​ഗ​ര​ത്തെ ഏ​റെ പ്ര​ക്ഷു​ബ്ധ​മാ​ക്കി​യി​രു​ന്നു.

സ​മ​ര​ത്തി​ന് നേ​തൃ​ത്വം ന​ൽ​കി​യ​വ​രെ​ല്ലാം ത​ന്നെ കാ​ല​യ​വ​നി​ക​ക്കു​ള​ളി​ൽ മ​റ​ഞ്ഞെ​ങ്കി​ലും ന​ഗ​ര​ത്തി​ലെ പൊ​തു​പ്ര​വ​ർ​ത്ത​ക​നും മ​ഹാ​രാ​ജാ​സ് പൂ​ർ​വ വി​ദ്യാ​ർ​ഥി സം​ഘ​ട​ന നേ​താ​വു​മാ​യ സി.​ഐ.​സി.​സി ജ​യ​ച​ന്ദ്ര​ൻ സ​മൂ​ഹ മാ​ധ്യ​മ​ത്തി​ൽ പ​ങ്കു​വ​ച്ച​തോ​ടെ​യാ​ണ് അ​ധി​ക​മാ​ർ​ക്കു​മ​റി​യാ​തി​രു​ന്ന ഈ ​ച​രി​ത്രം പു​റം ലോ​ക​മ​റി​ഞ്ഞ​ത്.